ನವದೆಹಲಿ : ಪ್ರತಿ ತಿಂಗಳು ವಿದ್ಯುತ್ ಬಿಲ್ (Electricity bill) ಹೆಚ್ಚಿಗೆ ಬರುತ್ತಿದ್ದರೆ ಯಾಕೆ ಹೀಗೆ ಯೋಚಿಸಲು ಶುರು ಮಾಡುತ್ತೇವೆ. ಈ ಪ್ರಶ್ನೆಗೆ ಉತ್ತರ ಸಿಗುವವರೆಗೆ ಯೋಚನೆ ಮಾಡುತ್ತಲೇ ಇರುತ್ತೇವೆ. ಹೀಗೆ ಸುಮ್ಮನೆ ಯೋಚನೆ ಮಾಡುವ ಬದಲು ವಿದ್ಯುತ್ ಬಿಲ್ ಅನ್ನು ಕಡಿಮೆ ಮಾಡುವ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಳ್ಳುವುದು ಉತ್ತಮ. ನಿಮ್ಮ ವಿದ್ಯುತ್ ಬಿಲ್ ಅನ್ನು ನೀವು ಕಡಿಮೆ ಮಾಡುವಂತಹ 4 ವಿಧಾನಗಳನ್ನು ಇಂದು ನಾವು ನಿಮಗೆ ತಿಳಿಸುತ್ತೇವೆ.
1. ಹಳೆಯ ಬಲ್ಬ್ ಗಳನ್ನು ಎಲ್ಇಡಿಗಳೊಂದಿಗೆ ಬದಲಾಯಿಸಿ :
ಹಳೆಯ ತಂತು ಬಲ್ಬ್‌ಗಳು ಮತ್ತು ಸಿಎಫ್‌ಎಲ್‌ಗಳು (CFL)ಸಾಕಷ್ಟು ವಿದ್ಯುತ್ ಬಳಸುತ್ತವೆ. ಅವುಗಳನ್ನು ಎಲ್ಇಡಿ ಬಲ್ಬ್ ಗಳೊಂದಿಗೆ ಬದಲಾಯಿಸಿದರೆ, ನಿಮ್ಮ ವಿದ್ಯುತ್ ಬಿಲ್ ಕಡಿಮೆಯಾಗುವುದು ಮಾತ್ರವಲ್ಲ, ಪ್ರಕಾಶವು ದ್ವಿಗುಣಗೊಳ್ಳುತ್ತದೆ. ನಾವು ಅಂಕಿಅಂಶಗಳ ಬಗ್ಗೆ ಮಾತನಾಡಿದರೆ, 100 ವ್ಯಾಟ್ ತಂತು ಬಲ್ಬ್ 10 ಗಂಟೆಗಳಲ್ಲಿ ಒಂದು ಯುನಿಟ್ ವಿದ್ಯುತ್ ಬಳಸುತ್ತದೆ. ಆದರೆ 15 ವ್ಯಾಟ್ ಸಿಎಫ್‌ಎಲ್ 66.5 ಗಂಟೆಗಳಲ್ಲಿ ಒಂದು ಯುನಿಟ್ ವಿದ್ಯುತ್ ಬಳಸುತ್ತದೆ. ಅದೇ ಸಮಯದಲ್ಲಿ, 9-ವ್ಯಾಟ್ ಎಲ್ಇಡಿ 111 ಗಂಟೆಗಳ ನಂತರ ಒಂದು ಯುನಿಟ್ ವಿದ್ಯುತ್ ಅನ್ನು ಬಳಸುತ್ತದೆ.
2. ಎಲೆಕ್ಟ್ರಿಕ್ ಸರಕುಗಳನ್ನು ಖರೀದಿಸುವಾಗ ರೇಟಿಂಗ್ ಅನ್ನು ಮನಸ್ಸಿನಲ್ಲಿಟ್ಟುಕೊಳ್ಳಿ
ಫ್ರಿಜ್ (fridge), ಹವಾನಿಯಂತ್ರಣ (AC) ಮುಂತಾದ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಖರೀದಿಸುವಾಗ ರೇಟಿಂಗ್ ಬಗ್ಗೆ ಕಾಳಜಿ ವಹಿಸಬೇಕು. ನಾವು ಯಾವಾಗಲೂ 5 ಸ್ಟಾರ್ ರೇಟಿಂಗ್ (5star rating) ಹೊಂದಿರುವ ಉಪಕರಣಗಳನ್ನು ಖರೀದಿಸಲು ಪ್ರಯತ್ನಿಸಬೇಕು. ಈ ಉತ್ಪನ್ನಗಳ ಬೆಲೆ ಸ್ವಲ್ಪ ಹೆಚ್ಚಾಗಿರುತ್ತದೆ. ಆದರೆ, ಅವುಗಳ ವಿದ್ಯುತ್ ಬಿಲ್ ತುಂಬಾ ಕಡಿಮೆಯಾಗಿರುತ್ತದೆ.
ಇದನ್ನೂ ಓದಿ : ನಿಮ್ಮ ಪಾಸ್ ಪೋರ್ಟ್ ಜೊತೆ Vaccine certificate ಲಿಂಕ್ ಮಾಡುವುದು ಹೇಗೆ ಗೊತ್ತಾ ..!
3. ಉಪಯೋಗ ಮಾಡದ ಸಮಯದಲ್ಲಿ ಉಪಕರಣವನ್ನು ಆಫ್ ಮಾಡಿ :
ಲೈಟ್, ಫ್ಯಾನ್ ಮತ್ತು ಎಸಿಯನ್ನು ಆಫ್ ಮಾಡದೆಯೇ ಕೋಣೆಯಿಂದ ಹೊರಗೆ ಹೋಗುವುದು ಸರಿಯಲ್ಲ. ಬಳಕೆಯಲ್ಲಿಲ್ಲದಿದ್ದಾಗ ವಿದ್ಯುತ್ ಉಪಕರಣಗಳನ್ನು ಆಫ್ ಮಾಡಬೇಕು. ಇದರೊಂದಿಗೆ, ವಿದ್ಯುತ್ (Electricity) ವ್ಯರ್ಥವಾಗುವುದನ್ನು ತಪ್ಪಿಸಬಹುದು. ಅಲ್ಲದೆ, ಹೀಗೆ ಮಾಡುವುದರಿಂದ ವಿದ್ಯುತ್ ಬಿಲ್ ಸಹ ಖಂಡಿತವಾಗಿಯೂ ಕಡಿಮೆಯಾಗುತ್ತದೆ.
4. ಎಸಿ ಯಾವತ್ತೂ 24 ಡಿಗ್ರಿ ತಾಪಮಾನದಲ್ಲಿಯೇ ಇರಲಿ :
ಎಸಿಯನ್ನು (AC) ಯಾವಾಗಲೂ 24 ಡಿಗ್ರಿ ತಾಪಮಾನದಲ್ಲಿಯೇ ಚಲಾಯಿಸಬೇಕು. ವಿದ್ಯುತ್ ಬಿಲ್ ಕಡಿಮೆ ಮಾಡಲು ಸಾವಿರಾರು ಜನರು ಈ ತಂತ್ರವನ್ನು ಬಳಸುತ್ತಾರೆ. ಇದು ಕೋಣೆಯನ್ನು ತಂಪಾಗಿರುವಂತೆ ಮಾಡುತ್ತದೆ. ಹೀಗೆ ಮಾಡಿದರೆ ಇದು ನಮ್ಮ ಜೇಬಿಗೂ ಹೊರೆಯಾಗುವುದಿಲ್ಲ. ಇದರೊಂದಿಗೆ ನೀವು ಟೈಮರ್ ಅನ್ನು ಕೂಡಾ ಸೆಟ್ ಮಾಡಬಹುದು. ಹೀಗೆ ಮಾಡುವುದರಿಂದ ಕೊಠಡಿ ತಣ್ಣಗಾದ ನಂತರ, ಎಸಿ ಸ್ವಯಂಚಾಲಿತವಾಗಿ ಆಫ್ ಆಗುತ್ತದೆ. ಇದನ್ನು ಮಾಡುವುದರಿಂದ ನೀವು ಪ್ರತಿ ತಿಂಗಳು 4 ರಿಂದ 6 ಸಾವಿರ ರೂಪಾಯಿಗಳನ್ನು ಉಳಿಸಬಹುದು.
ಇದನ್ನೂ ಓದಿ : Best Deal: iPhone 12 ಮೇಲೆ ಭಾರಿ ಡಿಸ್ಕೌಂಟ್, ಇಲ್ಲಿದೆ ವಿವರ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
