നരസിംഹമൂർത്തി മന്ത്രം ത്രിസന്ധ്യാ നേരത്ത് ചൊല്ലുന്നത് നന്ന്

മഹാവിഷ്ണുവിന്റെ ദശാവതാരങ്ങളിൽ പ്രധാനമായ അവതാരമാണ് ഈ നരസിംഹാവതാരം.  ഭഗവാൻ അസുരരാജാവായ ഹിരണ്യകശിപുവിനെ നിഗ്രഹിക്കാനാണ് നരസിംഹമൂർത്തിയുടെ അവതാരമെടുത്തത്.  സിംഹത്തിന്റെ മുഖവും മനുഷ്യന്റെ ഉടലുമാണ് ഈ അവതാരത്തിന്റെ രൂപം.   

ഒരു കാരണവും ഇല്ലാതെയുണ്ടാകുന്ന ഭയം അകറ്റാനും അതുപോലെ ദുരിത മോചനത്തിനും നരസിംഹമൂർത്തി മാത്രം ചൊല്ലുന്നത് വളരെ നല്ലതാണ്.  ഇത്തരക്കാർ ഈ മന്ത്രം ദിവസവും മൂന്നു തവണയെങ്കിലും പതിവായി ചൊല്ലുന്നത് ഫലമുണ്ടാക്കും.  അവതരിച്ചത് ശത്രുസംഹാരത്തിനാണെങ്കിലും ഭക്തരിൽ ക്ഷിപ്രപ്രസാദിയാണ്.  

ഭഗവാൻ നരസിംഹാവതാരമായി രൂപമെടുത്തത് ത്രിസന്ധ്യാ നേരത്തായതിനാൽ ഈ മന്ത്രം ആ സമയം ചൊല്ലുന്നത് കൂടുതൽ നല്ലതാണ്.  ഈ മന്ത്രം ജപിക്കുന്നതോടൊപ്പം ക്ഷേത്രത്തിലും പോകുന്നത് നല്ലത്.  

നരസിംഹമൂർത്തി മന്ത്രം 

ഉഗ്രവീരം മഹാവിഷ്ണും 
ജ്വലന്തം സർവ്വതോ മുഖം
നൃസിംഹം ഭീഷണം ഭദ്രം 
മൃത്യു മൃത്യും നമാമ്യഹം