എൽഐസിയിൽ എല്ലാ പ്രായത്തിലുമുള്ള ആളുകൾക്കും നിരവധി പ്ലാനുകൾ ഉണ്ട്. എൽഐസിയുടെ റിട്ടയർമെന്റ് സ്കീമുകൾ എല്ലാക്കാലത്തും വളരെ അധികം ജനപ്രിയമാണ്.ഈ പോളിസികളിൽ ഒന്നാണ് എൽഐസിയുടെ പുതിയ ജീവൻ ശാന്തി യോജന,ഇത് ഒറ്റ പ്രീമിയം പ്ലാനാണ്, ഒരിക്കൽ നിങ്ങൾ നിക്ഷേപിച്ചാൽ, പ്രതിവർഷം 50,000 രൂപ നിങ്ങൾക്ക് പെൻഷൻ ലഭിക്കും. ഈ പ്രത്യേക പ്ലാനിനെക്കുറിച്ച് പരിശോധിക്കാം.
ജീവൻ ശാന്തി പോളിസി എൽഐസിയുടെ മികച്ച പോളിസികളിൽ ഒന്നാണ്. ഇതിൻറെ ഏറ്റവും വലിയ പ്രത്യേകത എന്താണെന്നാൽ ഒറ്റത്തവണ ഇതിൽ നിക്ഷേപിച്ചാൽ നിങ്ങൾ ജോലിയിൽ നിന്ന് വിരമിച്ചതിന് ശേഷം ഈ പോളിസി നിങ്ങൾക്ക് സ്ഥിരമായ പെൻഷൻ ഉറപ്പ് നൽകും എന്നതാണ്.ഈ പോളിസി നിങ്ങൾക്ക് 30 വയസ്സിൽ എടുക്കാം 79 വയസ്സ് വരെ ഇതിന് സാധുതയുണ്ട്.ഈ സ്കീമിൽ റിസ്ക് പരിരക്ഷയില്ലെന്നത് ശ്രദ്ധിക്കണം.
ALSO READ: 5 ലക്ഷമിട്ടാൽ 9 ലക്ഷമാക്കി തിരികെ നൽകും, എസ്ബിഐ മാജിക് ഇതാ
ജീവൻ ശാന്തി യോജന ഒരു വാർഷിക പദ്ധതിയാണ്. നിങ്ങളുടെ പെൻഷൻ പരിധി നിശ്ചയിച്ച് നിങ്ങൾക്ക് ഇതിൽ നിന്നും വരുമാനം നേടാം. വിരമിച്ച ശേഷവും, നിങ്ങളുടെ ജീവിതത്തിലുടനീളം നിങ്ങൾക്ക് സ്ഥിരമായ പെൻഷൻ ലഭിക്കുന്നത് തുടരും. ഇതിന് ഉയർന്ന പലിശ ലഭിക്കും. സ്കീം അനുസരിച്ച്, 55 വയസ്സുള്ള ഒരാൾ ഈ പ്ലാൻ വാങ്ങുമ്പോൾ 11 ലക്ഷം രൂപ നിക്ഷേപിക്കുകയും അഞ്ച് വർഷത്തേക്ക് കാലാവധി നിശ്ചയിക്കുകയും ചെയ്താൽ നിങ്ങൾക്ക് പ്രതിവർഷം 1,01,880 രൂപയിൽ കൂടുതൽ പെൻഷൻ ലഭിക്കും. ആറ് മാസത്തെ പെൻഷൻ തുക 49,911 രൂപയും പ്രതിമാസ അടിസ്ഥാനത്തിൽ 8,149 രൂപയും ആയിരിക്കും.
കൗതുകകരമെന്നു പറയട്ടെ, ജീവൻ ശാന്തി യോജനയുടെ ആന്വിറ്റി നിരക്കുകൾ എൽഐസി വർദ്ധിപ്പിച്ചു. ഈ സ്കീമിൽ ആർക്കും നിക്ഷേപിക്കാം. നിങ്ങൾക്ക് എപ്പോൾ വേണമെങ്കിലും ഈ പ്ലാൻ സറണ്ടർ ചെയ്യാനും അതിൽ കുറഞ്ഞത് 1.5 ലക്ഷം രൂപ നിക്ഷേപിക്കാനും കഴിയും ഇതിന് ഉയർന്ന പരിധിയില്ല. ഈ കാലയളവിൽ പോളിസി ഉടമ മരിച്ചാൽ അവന്റെ അക്കൗണ്ടിൽ നിക്ഷേപിച്ച മുഴുവൻ തുകയും നോമിനിക്ക് നൽകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
