Crime News: പഞ്ചാബിലെ അമൃത്സറിൽ ലഹരിക്കടത്ത് സംഘാംഗങ്ങൾ പിടിയിൽ

Drgus Trafficking Gang Arrested: പഞ്ചാബിലെ അമൃത്സറിലെ കാക്കർ ഗ്രാമത്തിൽ നിന്നാണ് രണ്ട് ലഹരിക്കടത്ത് സംഘാംഗങ്ങളെ പിടികൂടിയിരിക്കുന്നത്.

അമൃത്സര്‍: പഞ്ചാബിലെ അമൃത്സറിൽ ബിഎസ്എഫ് ലഹരിക്കടത്ത് സംഘാംഗങ്ങളെ പിടികൂടി. പഞ്ചാബ് പോലീസുമായി ചേർന്ന് നടത്തിയ ദൗത്യത്തിലാണ് ഈ സംഘങ്ങളെ പിടികൂടിയത്‌.  ഇവരിൽ നിന്നും രണ്ടു കോടിയോളം രൂപയും പിടിച്ചെടുത്തതായിട്ടാണ് റിപ്പോർട്ട്. 

പഞ്ചാബിലെ അമൃത്സറിലെ കാക്കർ ഗ്രാമത്തിൽ നിന്നാണ് രണ്ട് ലഹരിക്കടത്ത് സംഘാംഗങ്ങളെ പിടികൂടിയിരിക്കുന്നത്. ഇവിടെ ഒരു വീടിനുള്ളിൽ രണ്ട് മയക്കുമരുന്ന് സംഘാംഗങ്ങൾ ഒളിച്ചിരിക്കുന്നു എന്ന് ബിഎസ്എഫിന്റെ ഇന്റലിജൻസ് വിഭാഗത്തിന് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു അന്വേഷണം ആരംഭിച്ചത്.

ബിഎസ്എഫ് പഞ്ചാബ് പോലീസുമായി ചേർന്ന് നടത്തിയ അന്വേഷണത്തിൽ ഇവരിൽ നിന്നും രണ്ട് കോടിയോളം രൂപയും ഒരു ലാപ്ടോപ്പും മൂന്ന് സ്മാര്‍ട്ട് ഫോണുകളും രണ്ട് കീപാഡ് ഫോണുകളും പിടിച്ചെടുത്തിട്ടുണ്ട്. പാകിസ്ഥാൻ അതിർത്തിയിൽ നിന്നും ഏറെ ദുരമില്ലാത്തിടത്ത് നിന്ന് പിടികൂടിയ ലഹരിക്കടത്ത് സംഘാംഗങ്ങളെ ബിഎസ്എഫ് വിശദമായി ചോദ്യം ചെയ്യുകയാണ്.

അവർക്ക് പാകിസ്ഥാനിലുള്ള ലഹരിക്കടത്ത് സംഘങ്ങളുമായി ബന്ധമുണ്ടോ എന്നും ബിഎസ്എഫ് പരിശോധിക്കുന്നുണ്ട്.  മാത്രമല്ല പ്രതികൾക്ക് അന്താരാഷ്ട്ര ലഹരി കടത്ത് സംഘങ്ങളുമായി ബന്ധമുണ്ടോയെന്നും പരിശോധിക്കുമെന്ന് ബിഎസ്എഫ് വക്താവ് അറിയിച്ചിട്ടുണ്ട്. ഇതിനു മുൻപ് കഴിഞ്ഞ മാസവും പഞ്ചാബ് പോലീസും ബിഎസ്ഫും ചേർന്ന് നടത്തിയ അന്വേഷണത്തിൽ ലഹരിക്കടത്ത് സംഘങ്ങളെ പിടികൂടി.