Murder Attempt: പമ്പ് ജീവനക്കാരനെ കൊലപ്പെടുത്താൻ ശ്രമിച്ച കേസിൽ നാലുപേർ അറസ്റ്റിൽ

Crime News: ഏറ്റുമാനൂർ സ്വദേശികളായ ഷിന്റോ, ഷാലു, ആയാംകുടി സ്വദേശി രതീഷ്, പുന്നത്തറ സ്വദേശി സുധീഷ് എന്നിവരെയാണ് കേസിൽ പോലീസ് അറസ്റ്റ് ചെയ്തത്.

കോട്ടയം: പമ്പ് ജീവനക്കാരനെ കൊലപ്പെടുത്താൻ ശ്രമിച്ച കേസിൽ നാലുപേർ അറസ്റ്റിലായതായി റിപ്പോർട്ട്. സൗജന്യമായി പെട്രോൾ നൽകിയില്ലെന്ന പ്രശ്‍നത്തിലാണ് യുവാക്കൾ ജീവനക്കാരനെ ആക്രമിക്കുകയും കൊലപ്പെടുത്താൻ ശ്രമിക്കുകയും ചെയ്തത്.  സംഭവം നടന്നത് ഏറ്റുമാനൂരിന് അടുത്തുള്ള പമ്പിലായിരുന്നു. 

ഏറ്റുമാനൂർ സ്വദേശികളായ ഷിന്റോ, ഷാലു, ആയാംകുടി സ്വദേശി രതീഷ്, പുന്നത്തറ സ്വദേശി സുധീഷ് എന്നിവരെയാണ് കേസിൽ പോലീസ് അറസ്റ്റ് ചെയ്തത്.  പ്രതികളുടെ സുഹൃത്തായ യുവാവ് പമ്പിലെത്തിയ ശേഷം സൗജന്യമായി പെട്രോൾ നൽകാൻ ആവശ്യപ്പെടുകയും ഇത് ജീവനക്കാർ എതിർത്തതോടെ വലിയ വാക്കുതർക്കമാവുകയുമായിരുന്നു ശേഷം പ്രതികൾ സംഘമായെത്തി അക്രമം അഴിച്ചുവിടുകയായിരുന്നു. 

അറസ്റ്റു ചെയ്ത പ്രതികളെ പോലീസ് കോടതിയിൽ ഹാജരാക്കി റിമാൻഡ് ചെയ്തു. ആക്രമണത്തിൽ പമ്പ് ജീവനക്കാരനായ സന്ദീപിന് ഗുരുതരമായി പരിക്കേറ്റിരുന്നു. കേസിനാസ്പദമായ സംഭവം നടന്നത് കഴിഞ്ഞ ശനിയാഴ്ചയായിരുന്നു. യുവാക്കൾ പമ്പിലെത്തിയത് മാരകായുധങ്ങളുമായാണ്. ആക്രമണത്തിൽ പരിക്കേറ്റ സന്ദീപ് നിലവിൽ ആശുപത്രിയിൽ ചികിത്സയിലാണ്. അറസ്റ്റിലായ പ്രതികൾക്കെതിരെ വിവിധ സ്റ്റേഷനുകളിൽ ക്രിമിനൽ കേസുകളുണ്ടെന്നും സംഘത്തിലെ മറ്റുള്ളവർക്കായി തിരച്ചിൽ ശക്തമാക്കിയതായും അന്വേഷണ സംഘം അറിയിച്ചിട്ടുണ്ട്.