കൊച്ചി: നടിയെ ബലാത്സംഗം ചെയ്ത കേസിൽ വിജയ് ബാബുവിൻറെ കസ്റ്റഡി കാലവധി ഇന്ന് അവസാനിച്ചു. ഏഴ് ദിവസമായിരുന്നു വിജയ് ബാബുവിനെ ചോദ്യം ചെയ്യാനായി കസ്റ്റഡിയിൽ വിട്ടത്. അതേസമയം ഇതിന് പിന്നാലെ 70 ദിവസമായി തന്നോടൊപ്പമുള്ള ദൈവത്തിന് നന്ദി അറിയിച്ച് വിജയ് ബാബു ഫേസ്ബുക്കിൽ പോസ്റ്റ് ചെയ്തു. കുടുംബത്തിനും സുഹൃത്തുക്കൾക്കും നന്ദി അറിയിക്കുന്നതായും ഇനി തൻറെ സിനിമകൾ സംസാരിക്കുമെന്നും അദ്ദേഹം പോസ്റ്റിൽ പറയുന്നു.
പോസ്റ്റിൻറെ പൂർണ രൂപം
ബഹുമാനപ്പെട്ട ഹൈക്കോടതിയുടെ ഉത്തരവ് പ്രകാരം 7 ദിവസത്തെ കസ്റ്റഡി ചോദ്യം ചെയ്യൽ ഇന്ന് അവസാനിക്കും. ഉദ്യോഗസ്ഥരുമായി പൂർണ്ണമായും സത്യസന്ധമായും പ്രക്രിയയിലുടനീളം സഹകരിച്ചു. എഡിറ്റ് ചെയ്യാത്ത തെളിവുകളും വസ്തുതകളും നൽകിയിട്ടുണ്ട്....
കഴിഞ്ഞ 70 ദിവസമായി എന്നോടൊപ്പം ഉണ്ടായിരിക്കുന്നതിനും എന്നെ "ജീവനോടെ" നിലനിർത്തുന്നതിനും ഞാൻ ദൈവത്തിന് നന്ദി പറയുന്നു.
എന്റെ കുടുംബത്തിനും സുഹൃത്തുക്കൾക്കും - നിങ്ങൾ എല്ലാവരും കാരണമാണ് ഞാൻ ജീവിച്ചത്. നിങ്ങളുടെ സന്ദേശങ്ങളും നല്ല വാക്കുകളും സ്നേഹത്താൽ വീർപ്പുമുട്ടിച്ചു.അവസാനം സത്യം തന്നെ ജയിക്കും.
പ്രിയപ്പെട്ട മാധ്യമങ്ങളേ, ഈ കേസിനെക്കുറിച്ച് എന്റെ കുടുംബത്തോടും അഭിഭാഷകരോടും അന്വേഷണ സംഘത്തോടും കോടതിയോടും അല്ലാതെ ആരോടും സംസാരിക്കാൻ ഞാൻ ആഗ്രഹിക്കുന്നില്ല. എന്നതിനാൽ എനിക്ക് നിങ്ങളുടെ ചോദ്യങ്ങൾക്ക് ഉത്തരം നൽകാൻ കഴിയുന്നില്ല അതിൽ ക്ഷമ ചോദിക്കുന്നു.
അതുവരെ, ഞാൻ സൃഷ്ടിക്കുന്ന സിനിമകൾ സംസാരിക്കും .“ തകർന്ന മനുഷ്യനെക്കാൾ ശക്തമായി മറ്റൊന്നുമില്ല ……”.
ദൈവം അനുഗ്രഹിക്കട്ടെ ഞായറാഴ്ച വൈകീട്ടാണ് വിജയ് ബാബു തൻറെ ഫേസ്ബുക്കിൽ പോസ്റ്റ് പങ്ക് വെച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
