രക്തത്തിലെ ഉയർന്ന അളവിലുള്ള ഗ്ലൂക്കോസിനെ പ്രമേഹം എന്ന് വിളിക്കുന്നു. ഇത് ഒരു നിശ്ശബ്ദ കൊലയാളിയാണ്, കാരണം ഇത് മാരകമായ സങ്കീർണതകളിലേക്ക് നയിക്കുന്നു. നിലവിൽ, സമ്മർദ്ദം, ശാരീരിക പ്രവർത്തനങ്ങളുടെ അഭാവം, കുടുംബ ചരിത്രം തുടങ്ങിയ വിവിധ ഘടകങ്ങൾ മൂലം രക്തത്തിലെ പഞ്ചസാരയുടെ അളവ് കൂടിയേക്കാം. പ്രമേഹം ശരീരത്തിന്റെ ഓരോ അവയവത്തെയും ബാധിക്കും.
കൃത്യസമയത്ത് നിയന്ത്രിച്ചില്ലെങ്കിൽ പ്രമേഹം ജീവൻ അപകടപ്പെടുത്തുന്ന അവസ്ഥയിലേക്ക് എത്തിക്കും. ചുവടെയുള്ള ലേഖനത്തിൽ, രക്തത്തിലെ പഞ്ചസാരയുടെ അളവ് എങ്ങനെ നിലനിർത്താമെന്നും ഇത് വഴി ആരോഗ്യകരമായ ശരീരം എങ്ങിനെ ലഭിക്കുമെന്നും കണ്ടെത്താം.
രക്തത്തിലെ പഞ്ചസാരയുടെ അളവ് മൂലമുണ്ടാകുന്ന 5 ഗുരുതരമായ ആരോഗ്യ പ്രശ്നങ്ങൾ
പാദപ്രശ്നങ്ങൾ: പ്രമേഹം മൂലമുണ്ടാകുന്ന കാലിലെ പ്രശ്നങ്ങൾ ചികിത്സിച്ചില്ലെങ്കിൽ കാല് മുറിച്ച് കളയേണ്ട അവസ്ഥ വരെ എത്താം.പ്രമേഹം കണ്ടെത്തിയവരിലും പാദങ്ങളിൽ അൾസർ ഒരു സാധാരണ സംഭവമാണ്. കാലിൽ ഉണങ്ങാത്ത അൾസർ ഉണ്ടെങ്കിൽ ഡോക്ടറോട് സംസാരിക്കുന്നതാണ് നല്ലത്.
നേത്ര പ്രശ്നങ്ങൾ: രക്തത്തിലെ പഞ്ചസാരയുടെ അളവ് അധികമാകുന്ന ആളുകളിൽ ഡയബറ്റിക് റെറ്റിനോപ്പതി ഉണ്ടാകാറുണ്ട്, ഇത് ഇവരുടെ കാഴ്ചയെ ബാധിക്കുകയും അന്ധതയ്ക്ക് കാരണമാവുകയും ചെയ്യും. ഒഴിവാക്കാൻ പതിവായി നേത്രപരിശോധനയ്ക്ക് പോകുന്നത് നല്ലതാണ്.
ഹൃദയാഘാതവും പക്ഷാഘാതവും: രക്തത്തിലെ പഞ്ചസാര ഒരാളുടെ രക്തക്കുഴലുകളെ ബാധിക്കും. ഇത് ഹൃദയാഘാതത്തെയോ പക്ഷാഘാതത്തെയോ ക്ഷണിച്ചുവരുത്തും.ഇത് കൃത്യമായി ശ്രദ്ധിക്കണം, ഹൃദയാരോഗ്യം ഉറപ്പ് വരുത്തണം
കിഡ്‌നി പ്രശ്നങ്ങൾ: ദീർഘകാലം നിയന്ത്രിക്കാൻ പറ്റാത്ത പ്രമേഹം നിങ്ങളുടെ വൃക്കകളെ ബാധിക്കും.വൃക്ക തകരാറിലുമാകാം ഇത് ചിലപ്പോൾ ഡയാലിസിസ് ആവശ്യമായി വരുന്ന ഘട്ടത്തിലും എത്താം.
ലൈംഗിക പ്രശ്നങ്ങൾ: രക്തക്കുഴലുകൾക്കും ഞരമ്പുകൾക്കും കേടുപാടുകൾ സംഭവിക്കുന്നത് മൂലം ലൈംഗികാവയവങ്ങളിലേക്കുള്ള രക്തപ്രവാഹത്തിന്റെ അളവിൽ പ്രശ്നങ്ങളുണ്ടാവുകയും സംവേദനക്ഷമത കുറയുകയും ചെയ്യും.
രക്തത്തിലെ പഞ്ചസാരയുടെ അളവ് മൂത്രനാളിയിലെ അണുബാധയ്ക്ക് കാരണമാകും.പ്രമേഹമുള്ള ഒരാൾക്ക് അത് ഒഴിവാക്കാതെ കൃത്യസമയത്ത് മരുന്ന് കഴിക്കേണ്ടത് അത്യാവശ്യമാണ്, രക്തത്തിലെ പഞ്ചസാരയുടെ അളവ് പതിവായി നിരീക്ഷിക്കുക, സമീകൃതാഹാരം കഴിക്കുക, സമ്മർദ്ദം ഒഴിവാക്കുക, ഒപ്റ്റിമൽ ഭാരം നിലനിർത്തുക, പതിവ് ആരോഗ്യ പരിശോധനകൾക്ക് പോകുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
