Pregnancy Foods: ഗർഭകാലത്ത് അബദ്ധത്തിൽ പോലും ഈ ഭക്ഷണങ്ങൾ കഴിക്കരുത്..!

Avoid these foods in Pregnancy: ഉയർന്ന അളവിൽ മെർക്കുറി അടങ്ങിയ ഭക്ഷണങ്ങൾ ഈ സമയത്ത് കഴിക്കുന്നത് അത്ര നല്ലതല്ല.

ഒരു സ്ത്രീ അവളുടെ ജീവിതത്തിൽ പല ഘട്ടങ്ങളിലൂടെ കടന്നുപോകുന്നു. മകൾ, ഭാര്യ, അമ്മ. എന്നിങ്ങനെ. അമ്മയാകുക എന്നത് പലരും ആ​ഗ്രഹിക്കുന്ന കാര്യമാണ്. അതിനാൽ തന്നെ ​ഗർഭകാലത്ത് നാം പല കാര്യങ്ങളും വളരെയധികം ശ്രദ്ധിക്കേണ്ടതായുണ്ട്. ഈ സമയത്ത് അവർക്ക് മാനസികവും ശാരീരികവുമായ പല തരത്തിലുള്ള മാറ്റങ്ങളും നേരിടേണ്ടി വരും. അതിനാൽ ഈ സമയത്ത് അവർ സ്വയം പ്രത്യേകം ശ്രദ്ധിക്കേണ്ടതുണ്ട്.

ആരോഗ്യകരമായ ഗർഭധാരണത്തിന് , ഭക്ഷണം മുതൽ ജീവിതശൈലി, വസ്ത്രം എന്നിവ വരെ പ്രത്യേകം ശ്രദ്ധിക്കേണ്ടതുണ്ട്. ഈ പ്രക്രിയയ്ക്കിടെ, ശരീരം ആന്തരികവും ഹോർമോൺ വ്യതിയാനങ്ങൾക്കും വിധേയമാകുന്നു, അതിന് ശരിയായ ഭക്ഷണ ശീലങ്ങൾ വളരെ പ്രധാനമാണ്. ഗര് ഭകാലത്ത് എന്തൊക്കെ കഴിക്കണം എന്ന് നമ്മള് പലപ്പോഴും കേൾക്കാറുണ്ട്, എന്നാൽ അതുപോലെ പ്രധാനമാണ് എന്തെല്ലാം ഭക്ഷണങ്ങൾ ഒഴിവാക്കണമെന്നതും പ്രത്യേകം അറിഞ്ഞിരിക്കേണ്ടതുണ്ട്. അതിനാൽ ഗർഭകാലത്ത് അബദ്ധത്തിൽ പോലും കഴിക്കാൻ പാടില്ലാത്ത ചില ഭക്ഷണങ്ങളെ കുറിച്ചാണ് ഇന്ന് ഈ ലേഖനത്തിൽ നാം അറിയുന്നത്.

ഉയർന്ന മെർക്കുറി ഭക്ഷണങ്ങൾ

ഉയർന്ന അളവിൽ മെർക്കുറി അടങ്ങിയ ഭക്ഷണങ്ങൾ ഈ സമയത്ത് കഴിക്കുന്നത് അത്ര നല്ലതല്ല. അതായത് മത്സ്യം ശരീരത്തിന് വളരെ നല്ലതാണെങ്കിലും അയല, സ്രാവ് തുടങ്ങിയ മത്സ്യങ്ങളിൽ മെർക്കുറി ധാരാളമായി അടങ്ങിയിട്ടുണ്ട്. 

പാസ്ചറൈസ് ചെയ്യാത്ത പാലുൽപ്പന്നങ്ങൾ

ഈ കാലയളവിൽ പാസ്ചറൈസ് ചെയ്യാത്ത പാലുൽപ്പന്നങ്ങളിൽ നിന്ന് വിട്ടുനിൽക്കാൻ ശ്രമിക്കുക. ഈ ഉൽപ്പന്നങ്ങളിൽ അസംസ്കൃത പാൽ, തൈര്, ചീസ് എന്നിവ ഉൾപ്പെടുന്നു. ഈ ഉൽപ്പന്നങ്ങളിലെല്ലാം ലിസ്റ്റീരിയ മോണോസൈറ്റോജെൻസ് പോലുള്ള ഹാനികരമായ ബാക്ടീരിയകൾ കാണപ്പെടുന്നു, ഇത് ഗുരുതരമായ രോഗമോ ഗർഭം അലസലോ പോലുള്ള ഗുരുതരമായ അവസ്ഥകൾക്ക് കാരണമാകും.

അസംസ്കൃത ഭക്ഷണം

ഗർഭാവസ്ഥയിൽ, അസംസ്കൃതമോ വേവിക്കാത്തതോ ആയ ഭക്ഷണം പരമാവധി ഒഴിവാക്കുക. മാംസം, മത്സ്യം, മുളപ്പിച്ച ധാന്യങ്ങൾ തുടങ്ങിയ അസംസ്കൃത അല്ലെങ്കിൽ വേവിക്കാത്ത ഭക്ഷണങ്ങൾ ബാക്ടീരിയ അണുബാധയ്ക്കുള്ള സാധ്യത വർദ്ധിപ്പിക്കും. ഈ ബാക്ടീരിയകൾ അമ്മയെയും കുഞ്ഞിനെയും ദോഷകരമായി ബാധിക്കുകയും ഗർഭം അലസൽ, അകാല ജനനം, വികസന പ്രശ്നങ്ങൾ എന്നിവ പോലുള്ള ഗുരുതരമായ അവസ്ഥകൾ ഉണ്ടാക്കുകയും ചെയ്യും.