മഴക്കാലം നനവുള്ള കാലമാണ്. കൊതുകുകൾ പരത്തുന്ന അണുബാധകൾക്കും രോഗങ്ങൾക്കും അനുകൂലമായ അന്തരീഷവും കൂടിയാണ് മഴക്കാലം ഒരുക്കുന്നത്. ശരീരത്തിന്റെ പ്രതിരോധശേഷിയും ശാരീരിക ശേഷിയും മഴക്കാലത്ത് താരതമ്യേനെ കുറവുമായിരിക്കും.
അത് കൊണ്ട് തന്നെ മഴയുള്ള ദിവസങ്ങളിൽ ചെറുതായൊന്ന് നനഞ്ഞാലും നിങ്ങൾക്ക് പനി ഉറപ്പാണ്. ആയുർവേദ പ്രകാരം മഴയിൽ വാത, പിത്ത രോഗങ്ങൾക്ക് സാധ്യത വളരെ കൂടുതൽ ആണ്. കൂടാതെ മഴക്കാലത്ത് ദഹനശക്തിയും ദുർബലമാകും. മഴക്കാലത്ത് നിങ്ങളുടെ ഭക്ഷണപാനീയങ്ങൾ പ്രത്യേകം ശ്രദ്ധിക്കുകയും ചില ഭക്ഷണങ്ങൾ ഒഴിവാക്കുകയും ചെയ്യുക.
ഇലക്കറികൾ പാടില്ല?
ഇലക്കറികൾ വളരെ പോഷകപ്രദവും ആരോഗ്യത്തിന് ഗുണകരവുമാണ്. എന്നാൽ മഴക്കാലത്ത് ഇലക്കറികൾ കഴിക്കുന്നത് ഒഴിവാക്കണം. ഈ സീസണിലെ താപനിലയും ഈർപ്പവും പച്ച ഇലക്കറികളിലെ ബാക്ടീരിയകളുടെയും ഫംഗസിന്റെയും വളർച്ചയ്ക്ക് അനുകൂലമാണ്. ഇക്കാരണത്താൽ, വയറ്റിൽ അണുബാധ ഉണ്ടാകാനുള്ള സാധ്യതയുണ്ട്. അതുകൊണ്ട് തന്നെ മഴക്കാലത്ത് ചീര, ഉലുവ, കാബേജ്, കോളിഫ്ലവർ തുടങ്ങിയ പച്ചക്കറികൾ കഴിക്കരുത്. പകരം, കയ്പ, ചീര, മത്തങ്ങ, തിണ്ട തുടങ്ങിയ പച്ചക്കറികൾ ഭക്ഷണത്തിൽ ഉൾപ്പെടുത്തുക.
ഇറച്ചി വേണ്ട
മഴക്കാലത്തെ ഈർപ്പം കാരണം സസ്യേതര ഭക്ഷണം പെട്ടെന്ന് കേടാകും. ചിക്കൻ, മട്ടൺ എന്നിവയും പെട്ടെന്ന് കേടാകും. വർഷത്തിലെ ഈ ദിവസങ്ങളിൽ സസ്യേതര ഭക്ഷണത്തിൽ നിന്ന് പൂർണ്ണമായും വിട്ടുനിൽക്കുക. നിങ്ങൾക്ക് നോൺ വെജിറ്റേറിയൻ കഴിക്കാൻ താൽപ്പര്യമുണ്ടെങ്കിൽ, ഇത് പൂർണ്ണമായും ഫ്രഷ് ആയി ഉപയോഗിക്കുക, ശരിയായി പാകം ചെയ്ത ശേഷം കഴിക്കുക.
വറുത്ത ആഹാരം
അമിതമായ ഈർപ്പമുള്ള കാലാവസ്ഥ ദഹനവ്യവസ്ഥയെ മന്ദഗതിയിലാക്കുന്നു. അത് കൊണ്ട് തന്നെ വറുത്തതും പൊരിച്ചതും പരമാവധി ഒഴിവാക്കാം.ഇതുകൂടാതെ, മഞ്ഞപ്പിത്തം, കോളറ, വയറിളക്കം തുടങ്ങിയ മലിനമായ ഭക്ഷണ-ജലത്തിലൂടെ പകരുന്ന രോഗങ്ങളും ഉണ്ടാകാം.
ലഘു പാനീയം
മഴക്കാലത്ത് ദഹനവ്യവസ്ഥയെ ശീതളപാനീയങ്ങളും പ്രശ്നത്തിലാക്കും. ശരീരത്തിലെ ധാതുക്കളുടെ അളവ് കുറയ്ക്കാനും ഇത് വഴി സാധിക്കും. അതുകൊണ്ട് ഈ സീസണിൽ നാരങ്ങാവെള്ളം, ജീരക വെള്ളം തുടങ്ങിയ പാനീയങ്ങൾ കഴിക്കുക. ഇതിനൊപ്പം ഇഞ്ചി ചായ പോലുള്ള പാനീയങ്ങളും ഉപയോഗിക്കുക.
പഴങ്ങളും ജ്യൂസുകളും കുടിക്കുന്നത് ഒഴിവാക്കുക
റോഡരികിൽ കിട്ടുന്ന പഴങ്ങൾ ഏറെനേരം സൂക്ഷിച്ചിരിക്കുന്നത്.രോഗാണുക്കൾ അവയിൽ പറ്റിനിൽക്കാൻ കാരണമാവും. ഇത് ആരോഗ്യത്തിന് ഹാനികരമാകും. കൂടാതെ, ടൈഫോയിഡ്, ഛർദ്ദി, വയറിളക്കം എന്നിവയ്ക്ക് കാരണമാകുമെന്നതിനാൽ പുറത്ത് ലഭിക്കുന്ന പഴങ്ങളും,ജ്യൂസും കുടിക്കുന്നത് അഭികാമ്യമല്ല. വീട്ടിൽ ഫ്രഷ് ഫ്രൂട്ട് ജ്യൂസ് ഉണ്ടാക്കി കഴിക്കുന്നത് തന്നെയാണ് നല്ലത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
