Ginger water: ഇഞ്ചി വെള്ളം കുടിച്ചാൽ നിരവധിയാണ് ​ഗുണങ്ങൾ; അറിയാം ഇഞ്ചി വെള്ളത്തിന്റെ അത്ഭുത ​ഗുണങ്ങൾ

Health benefits of ginger water: പതിവായി ഇഞ്ചി വെള്ളം കുടിക്കുന്നത് നിരവധി ആരോ​ഗ്യ ​ഗുണങ്ങൾ നൽകും.

ഇഞ്ചിക്ക് നിരവധി ഔഷധ ​ഗുണങ്ങൾ ഉണ്ട്. ഇഞ്ചിയിൽ അടങ്ങിയിരിക്കുന്ന ജിഞ്ചറോൾ എന്ന സംയുക്തത്തിന് ആന്റി ഓക്സിഡന്റ് ​ഗുണങ്ങൾ ഉണ്ട്. അതിനാൽ ഇഞ്ചി ഭക്ഷണത്തിൽ ഉൾപ്പെടുത്തുന്നത് നിരവധി ആരോ​ഗ്യ ​ഗുണങ്ങൾ നൽകും. ഇഞ്ചി വെള്ളം പതിവായി കുടിക്കുന്നത് കൊണ്ടുള്ള ​ഗുണങ്ങൾ എന്തെല്ലാമാണെന്ന് അറിയാം.

ശരീരഭാരം കുറയ്ക്കാൻ സഹായിക്കുന്നു: ശരീരഭാരം കുറയ്ക്കാൻ ശ്രമിക്കുന്നവർക്ക് ഇഞ്ചി വെള്ളം കുടിക്കുന്നത് നല്ലതാണ്. ഇഞ്ചി വെള്ളം പതിവായി കുടിക്കുന്നത് മെറ്റബോളിസം വർധിപ്പിക്കാനും കലോറി എരിച്ചുകളയാനും കൊഴുപ്പ് കുറയ്ക്കാനും സഹായിക്കുന്നു.

രോ​ഗപ്രതിരോധ ശേഷി വർധിപ്പിക്കാൻ മികച്ചത്: ഇഞ്ചിക്ക് ആന്റി ഇൻഫ്ലമേറ്ററി, ആന്റി ഓക്സിഡന്റ് ​ഗുണങ്ങൾ ഉണ്ട്. ഇത് രോ​ഗപ്രതിരോധ ശേഷി വർധിപ്പിക്കാൻ സഹായിക്കും.

ദഹനം മെച്ചപ്പെടുത്താൻ സഹായിക്കുന്നു: ഇഞ്ചി ദഹനത്തിന് മികച്ചതാണ്. ഇ‍ഞ്ചി വെള്ളം പതിവായി കുടിക്കുന്നത് ദഹനം മികച്ചതാക്കാൻ സഹായിക്കുന്നു. ഇഞ്ചിയിലെ ആന്റി ഇൻഫ്ലമേറ്ററി ​ഗുണങ്ങൾ ദഹനപ്രശ്നങ്ങൾ പരിഹരിക്കാൻ മികച്ചതാണ്.

വയറുസംബന്ധമായ രോ​ഗങ്ങളെ പ്രതിരോധിക്കുന്നു: ഓക്കാനം, ഛ‍ർദ്ദി, വയറിളക്കം, ക്ഷീണം, ​ഗ്യാസ്, മലബന്ധം തുടങ്ങിയ ദഹനവുമായി ബന്ധപ്പെട്ട പ്രശ്നങ്ങളെ ചെറുക്കാൻ ഇഞ്ചി മികച്ചതാണ്. ഇത് ഉദരസംബന്ധമായ ആരോ​ഗ്യപ്രശ്നങ്ങളെ ചെറുക്കുന്നു.

രക്തത്തിലെ പഞ്ചസാരയുടെ അളവ് കുറയ്ക്കുന്നു: രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്താൻ ഇഞ്ചി സഹായിക്കുന്നു. ഇഞ്ചിയിൽ അടങ്ങിയിരിക്കുന്ന ജിഞ്ചറോൾ എന്ന സംയുക്തമാണ് പ്രമേഹത്തെ നിയന്ത്രിച്ച് നിർത്താൻ സഹായിക്കുന്നത്. രാവിലെ വെറും വയറ്റിൽ ഇഞ്ചി വെള്ളം കുടിക്കുന്നത് പ്രമേഹത്തെ നിയന്ത്രിക്കാൻ സഹായിക്കും.

കൊളസ്ട്രോൾ കുറയ്ക്കാൻ മികച്ചത്: രാവിലെ വെറുംവയറ്റിൽ ഇഞ്ചി വെള്ളം കുടിക്കുന്നത് കൊളസ്ട്രോൾ കുറയ്ക്കാൻ സഹായിക്കും. രക്തസമ്മർദ്ദം നിയന്ത്രിക്കാനും ഹൃദയത്തിന്റെ ആരോ​ഗ്യം മെച്ചപ്പെടുത്താനും ഇത് നല്ലതാണ്. എന്നാൽ, ഇഞ്ചി വെള്ളം അമിതമായി കുടിക്കരുത്.