എല്ലാ വർഷവും സെപ്റ്റംബർ പത്തിന് ലോക ആത്മഹത്യാ പ്രതിരോധ ദിനമായി ആചരിക്കുന്നു. ആത്മഹത്യയെ കുറിച്ചുള്ള അവബോധം വളർത്തുന്നതിനും ആത്മഹത്യ തടയുന്നതിനും ആത്മഹത്യയ്ക്ക് ശ്രമിച്ചവർക്ക് ആശ്വാസമാകാനും വേണ്ടി സമർപ്പിച്ചിരിക്കുന്ന ഒരു ദിനമാണിത്. ഓരോ വർഷവും എട്ട് ലക്ഷത്തിലധികം ആളുകൾ ആത്മഹത്യ ചെയ്യുന്നുവെന്നാണ് കണക്കുകൾ വ്യക്തമാക്കുന്നത്.
ഒരാൾ ആത്മഹത്യാ ചിന്തകളുമായി മല്ലിടുന്നുണ്ടെന്നതിന് നിരവധി അടയാളങ്ങളുണ്ട്. ആത്മഹത്യയെക്കുറിച്ചു സംസാരിക്കുക, നിരാശരായി കാണപ്പെടുക, സുഹൃത്തുക്കളിൽ നിന്നും കുടുംബാംഗങ്ങളിൽ നിന്നും അകന്നുമാറുക എന്നിവ ഈ അടയാളങ്ങളിൽ ഉൾപ്പെടുന്നു. ആത്മഹത്യാ പ്രവണത ഉണ്ടെങ്കിൽ ദയവായി പ്രൊഫഷണൽ സഹായം തേടുക അല്ലെങ്കിൽ അടിയന്തര സേവനങ്ങളെ ഉടൻ ബന്ധപ്പെടുക.
ലോകമെമ്പാടും ഏകദേശം എട്ട് ലക്ഷം ആളുകൾ ഓരോ വർഷവും ആത്മഹത്യയിലൂടെ മരിക്കുന്നുവെന്നാണ് കണക്കുകൾ വ്യക്തമാക്കുന്നത്. 15-29 വയസ് പ്രായമുള്ളവരിലാണ് ആത്മഹത്യാ നിരക്ക് കൂടുതൽ. ഓരോ ആത്മഹത്യയിലും ഇരുപത്തഞ്ചോ അതിലധികമോ ശ്രമങ്ങൾ നടന്നിട്ടുണ്ടാകാമെന്നും റിപ്പോർട്ടുകൾ സൂചിപ്പിക്കുന്നു.
മാനസികാരോഗ്യ തകരാറുകൾ, ലഹരിവസ്തുക്കളുടെ ഉപയോഗം, വേദനാജനകമായ ജീവിത പശ്ചാത്തലം എന്നിവ ആത്മഹത്യയ്ക്കുള്ള അപകട ഘടകങ്ങളാണ്. പല ആത്മഹത്യകളും പെട്ടെന്നുള്ള ചിന്തയിൽ നിന്നുണ്ടാകുന്നതാണ്. സമയോചിതമായ ഇടപെടൽ ആത്മഹത്യയെ തടയാൻ സഹായിക്കും. പ്രശ്നങ്ങളെ കുറിച്ച് തുറന്ന് സംസാരിക്കുന്നതും ചർച്ചകൾക്ക് ഇടം നൽകുന്നതും നിർണായകമാണ്. ഭിന്നലിംഗ വ്യക്തികൾക്ക് വിവേചനവും അപകീർത്തിയും കാരണം ആത്മഹത്യാ ചിന്തകളും ശ്രമങ്ങൾക്കും സാധ്യത കൂടുതലാണെന്ന് കണക്കുകൾ വ്യക്തമാക്കുന്നു.
ALSO READ: World Lion Day 2023: ലോക സിംഹ ദിനം; കാട്ടിലെ രാജാവിനെക്കുറിച്ച് രസകരമായ ചില കാര്യങ്ങൾ അറിയാം
കമ്മ്യൂണിറ്റി അവബോധം, മാനസികാരോഗ്യ സേവനങ്ങൾ, പ്രതിസന്ധി ഹെൽപ്പ് ലൈനുകൾ എന്നിവ ഫലപ്രദമായ ആത്മഹത്യാ പ്രതിരോധ തന്ത്രങ്ങളിൽ ഉൾപ്പെടുന്നു. ആത്മഹത്യ തടയുക എന്നത് എല്ലാവരുടെയും ഉത്തരവാദിത്തമാണ്. സഹായം ആവശ്യമുള്ളവരെ പിന്തുണയ്ക്കുന്നതിൽ നമുക്കെല്ലാവർക്കും വലിയ പങ്ക് വഹിക്കാനാകും.
ലോക ആത്മഹത്യ നിവാരണ ദിനം 2023; ചരിത്രം
ലോകാരോഗ്യ സംഘടനയുടെ (ഡബ്ല്യുഎച്ച്ഒ) സഹകരണത്തോടെ ഇന്റർനാഷണൽ അസോസിയേഷൻ ഫോർ സൂയിസൈഡ് പ്രിവൻഷൻ (ഐഎഎസ്പി) 2003ൽ ആണ് ലോക ആത്മഹത്യാ പ്രതിരോധ ദിനം ആദ്യമായി ആചരിച്ചത്. ആഗോള പൊതുജനാരോഗ്യ പ്രശ്‌നമായ ആത്മഹത്യയെക്കുറിച്ച് അവബോധം വളർത്തുകയും ലോകമെമ്പാടും ആത്മഹത്യ തടയാനുള്ള ശ്രമങ്ങൾ പ്രോത്സാഹിപ്പിക്കുകയും ചെയ്യുക എന്നതാണ് ഈ ദിനത്തിന്റെ ലക്ഷ്യം.
ലോക ആത്മഹത്യ നിവാരണ ദിനം 2023; പ്രമേയം
വേൾഡ് ഹെൽത്ത് ഓർഗനൈസേഷൻ (ഡബ്ല്യുഎച്ച്ഒ) പറയുന്നതനുസരിച്ച്, 2021-2023 വരെയുള്ള ലോക ആത്മഹത്യാ പ്രതിരോധ ദിനത്തിന്റെ ത്രിവത്സര തീം 'ക്രിയേറ്റിംഗ് ഹോപ്പ് ത്രൂ ആക്ഷൻ' ആണ്. ആത്മഹത്യാ നിവാരണ പ്രവർത്തനങ്ങൾക്ക് പ്രത്യാശ പ്രോത്സാഹിപ്പിക്കാനും ആത്മഹത്യാ പ്രതിരോധ ശ്രമങ്ങളെ ശക്തിപ്പെടുത്താനും കഴിയുമെന്ന ആശയം അടിവരയിടുന്നു.
ലോക ആത്മഹത്യ നിവാരണ ദിനം 2023; പ്രാധാന്യം
ആത്മഹത്യയുടെ വ്യാപനത്തെക്കുറിച്ചും വ്യക്തികളിലും കുടുംബങ്ങളിലും സമൂഹങ്ങളിലും അത് ചെലുത്തുന്ന സ്വാധീനത്തെക്കുറിച്ചും അവബോധം സൃഷ്ടിക്കാൻ ഈ ദിനം സഹായിക്കുന്നു. ആത്മഹത്യാ പ്രതിരോധ തന്ത്രങ്ങളും പരിപാടികളും വികസിപ്പിക്കുന്നതിനും നടപ്പിലാക്കുന്നതിനും ഗവൺമെന്റുകളെയും സംഘടനകളെയും കമ്മ്യൂണിറ്റികളെയും ഇത് പ്രോത്സാഹിപ്പിക്കുന്നു. മാനസിക ആരോഗ്യപ്രശ്‌നങ്ങളെ ചുറ്റിപ്പറ്റിയുള്ള തെറ്റിദ്ധാരണകൾ കുറയ്ക്കുന്നതിനും മാനസികാരോഗ്യ പ്രശ്‌നങ്ങൾക്ക് സഹായം തേടുന്നതിനും ഇത് മുൻഗണന നൽകുന്നു. ആത്മഹത്യാ ചിന്തകളുമായി മല്ലിടുന്ന വ്യക്തികൾക്കോ അല്ലെങ്കിൽ ആത്മഹത്യ മൂലം പ്രിയപ്പെട്ടവരെ നഷ്ടപ്പെട്ടവർക്കോ ഈ ദിനം പിന്തുണ വാഗ്ദാനം ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
