Dragon Fruit ഇനി 'കമലം' എന്ന പേരിൽ അറിയപ്പെടും

ഗുജറാത്ത് സർക്കാർ Dragon Fruit എന്ന ഫലത്തിന്റെ പേര് മാറ്റി. പകരം 'കമലം' എന്ന പേര് നൽകി

Written by - Zee Hindustan Malayalam Desk | Last Updated : Jan 20, 2021, 10:44 AM IST
  • ഗുജറാത്ത് സർക്കാർ Dragon Fruit എന്ന ഫലത്തിന്റെ പേര് മാറ്റി
  • പകരം 'കമലം' എന്ന പേര് നൽകി
  • ഫലത്തിന്റെ ആകൃതി താമരയ്ക്ക് സമമായതു കൊണ്ടാണ് പേര് മാറ്റിയത്
  • ഡ്രാ​ഗൺ ഫ്രൂട്ട് എന്ന വാക്ക് ചൈനയുമായി (China) ബന്ധമുണ്ടെന്ന് ഗുജറാത്ത് മുഖ്യമന്ത്രി
Dragon Fruit ഇനി 'കമലം' എന്ന പേരിൽ അറിയപ്പെടും

അഹമ്മദാബാദ്: ​ഗുജറാത്ത് സർക്കാർ Dragon Fruit എന്ന ഫലത്തിന്റെ പേര് മാറ്റി. ഇനി മുതൽ 'കമലം' എന്ന പേരിലാണ് ​ഗുജറാത്തിൽ ഡ്രാ​ഗൺ ഫ്രൂട്ടിനെ അറിയപ്പെടുക. ഫലത്തിന്റെ ആകൃതി താമരയ്ക്ക് സമമായതു കൊണ്ടാണ് പേര് മാറ്റിയതെന്ന് വിശദീകരണവുമായി ​ഗുജറാത്ത് മുഖ്യമന്ത്രി വിജയ് രൂപാനി.

ഡ്രാ​ഗൺ ഫ്രൂട്ടിന് പുറമെയുള്ള ആകൃതി രാജ്യത്തിന്റെ ദേശീയ പുഷ്പമായ താമരയ്ക്ക് തുല്യമാണെന്നും അതിനാലാണ് കമലം എന്ന പേര് നൽകാൻ തീരുമാനിച്ചതെന്ന് വിജയ് രൂപാനി (Vijay Rupani). കൂടാതെ കമലം എന്ന സംസ്കൃത വാക്കിന്റെ അ‌ർഥം താമരയെന്നാണ് അതുകൊണ്ടാണ് ഫലത്തിന്റെ പേര് കമലം എന്നാക്കിയത്. പഴത്തിന്റെ പേര് കമലം എന്നാക്കുന്നതിനായുള്ള പേറ്റന്റ് സമർപ്പിച്ചിട്ടുണ്ടെന്ന് ​ഗുജറാത്ത് മുഖ്യമന്ത്രി പറഞ്ഞു.

ALSO READ: Farmers Protest: പത്താം വട്ട ചർച്ച് ഇന്ന്; നിയമങ്ങൾ പിൻവലിക്കാതെ പിന്നോട്ടില്ലെന്ന് സംഘടനകൾ

അതോടൊപ്പം ഡ്രാ​ഗൺ ഫ്രൂട്ട് എന്ന വാക്ക് ചൈനയുമായി (China) ബന്ധമുണ്ടെന്നും അതിനാലാണ് പേര് മാറ്റാനുള്ള തീരുമാനം എടുത്തതെന്ന് മുഖ്യമന്ത്രി കഴി‍ഞ്ഞ ദിവസം ഹോ‍ർട്ടികൾച്ചർ വികസന പരിപാടി ഉദ്ഘാടനം ചെയ്യുന്നതിനിടെ അറിയിച്ചു. എന്നാൽ പഴത്തിന്റെ പേര് മാറ്റിയതിന് രാഷ്ട്രീയപരമായി യാതൊരു ബന്ധവുമില്ലെന്ന് രൂപാനി വ്യക്തമാക്കി. 

ALSO READ: Vulgar Post: പ്രധാനമന്ത്രിയ്ക്കും UP മുഖ്യമന്ത്രിയ്ക്കുമെതിരെ അശ്ലീല പോസ്റ്റ്, നിയമ വിദ്യാര്‍ത്ഥി അറസ്റ്റില്‍

കഴിഞ്ഞ കുറെ വർഷങ്ങളായി രാജ്യത്ത് ഡ്രാ​ഗൺ ഫ്രൂട്ടിന്റെ ഉപഭോ​ഗം വളർന്ന് വരുകയാണ്. ​ഗുജറാത്തിലെ (Gujarat) ഭുജ്, ​ഗാന്ധിദാം, മാണ്ഡ്വി എന്ന് സ്ഥങ്ങളിലാണ് പ്രധാനമായും ഡ്രാ​ഗൺ ഫ്രൂട്ട് വളരുന്നത്. ദക്ഷിണ അമേരിക്കൻ രാജ്യങ്ങളിൽ നിന്നായിരുന്നു ഡ്രാ​ഗൺ ഫ്രൂട്ട് പ്രധാനമായും ഇന്ത്യയിലേക്ക് ഇറക്കുമതി ചെയ്തിരുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ TwitterFacebook ലിങ്കുകളിൽ ക്ലിക്കുചെയ്യുക.
 

More Stories

Trending News