ശ്രീനഗര്‍: ജമ്മു കാശ്മീരില്‍ മെഹ്ബൂബ മുഫ്തിയുടെ നേതൃത്വത്തിലുള്ള മന്ത്രിസഭ പുനഃസംഘടിപ്പിച്ചു. കവിന്ദര്‍ ഗുപ്തയെ പുതിയ ഉപമുഖ്യമന്ത്രിയായി തിരഞ്ഞെടുത്തു. ബിജെപിയുടെ നിര്‍മ്മല്‍ സിംഗ് രാജിവെച്ച ഒഴിവിലാണ് ഗുപ്ത ഉപമുഖ്യമന്ത്രിയായി ചുമതലയേല്‍ക്കുന്നത്.
കത്വ സംഭവത്തില്‍ ബിജെപി പ്രതിരോധത്തിലായ സാഹചര്യത്തിലാണ് മെഹബൂബ മുഫ്തി മന്ത്രിസഭയില്‍ പുനഃസംഘടനയ്ക്ക് ബിജെപി തയ്യാറായത്.
ഡല്‍ഹിയില്‍ ബിജെപി അദ്ധ്യക്ഷന്‍ അമിത്ഷായുമായി നടത്തിയ കൂടിക്കാഴ്ചയ്ക്കുശേഷം നിര്‍മല്‍ സിങ് രാജിവെയ്ക്കുകയായിരുന്നു. പിഡിപി-ബിജെപി സഖ്യ മന്ത്രിസഭയില്‍ ബിജെപിയ്ക്ക് ഒമ്പത് മന്ത്രിമാരാണുള്ളത്.
