ന്യൂഡല്ഹി: റഷ്യന് പ്രസിഡന്റ് വ്ളാഡിമിര് പുടിനുമായുള്ള അനൗദ്യോഗിക കൂടിക്കാഴ്ചയ്ക്കായി പ്രധാനമന്ത്രി നരേന്ദ്ര മോദി റഷ്യയിലെ സോചിയിലേക്ക് യാത്ര തിരിച്ചു.
പ്രത്യേക അജണ്ടയോ പ്രോട്ടോകോളോ ഇല്ലാതെയാണ് ഇരുവരുടെയും കൂടിക്കാഴ്ച. കൂടിക്കാഴ്ചയില് പ്രാദേശികവും അന്താരാഷ്ട്രീയവുമായ വിവിധ പ്രശ്നങ്ങള് ചര്ച്ച ചെയ്തേക്കുമേന്ന്നു സൂചന.
തീവ്രവാദത്തിന്റെ കെടുതികള് ഇരുരാജ്യങ്ങളും അനുഭവിക്കുന്നതിനാല് അതുസംബന്ധിച്ച വിഷയങ്ങള് ചര്ച്ചയുണ്ടാവും. ഐ.എസ്, അഫ്ഗാനിസ്ഥാന്, പാകിസ്താന്, സിറിയ എന്നിവിടങ്ങളിലെ നിലവിലെ അവസ്ഥയും ഇറാനുമായുള്ള ആണവക്കരാറില് നിന്ന് യു.എസ് പിന്മാറിയതിന്റെ പ്രത്യാഘാതങ്ങളും ചര്ച്ചാ വിഷയമാകും. ഇന്ത്യയുടെയും റഷ്യയുടെയും സാസാമ്പത്തിക വളര്ച്ചക്കു വേണ്ടിയുള്ള പരസ്പര സഹകരണവും ചര്ച്ചയാകുമെന്നും വിവരമുണ്ട്.
ഇരുരാജ്യങ്ങളുമായുള്ള തന്ത്രപ്രധാന പങ്കാളിത്തം ശക്തിപ്പെടുത്താനാണ് തന്റെ സന്ദര്ശനമെന്ന് മോദി ട്വിറ്ററില് കുറിച്ചിരുന്നു. റഷ്യയിലെ ജനങ്ങളെയും ട്വിറ്റര് സന്ദേശത്തില് മോദി അഭിവാദ്യം ചെയ്തു.
റഷ്യ വിമാനത്താവളത്തില് മോദിയെ റഷ്യന് ഉദ്യോഗസ്ഥരാകും സ്വീകരിക്കുക. തുടര്ന്ന് പ്രസിഡന്റ് പുടിന്റെ വസതിയിലേക്ക് പോകും. സ്വവസതിയില് മോദിക്ക് ഉച്ചഭക്ഷണവും പുടിന് ഒരുക്കുന്നുണ്ട്.
Prime Minister #NarendraModi on Monday morning left for #Russia's #Sochi for an informal summit with Russian President #VladimirPutin.
Read @ANI Story | https://t.co/QJTV1w5AS9 pic.twitter.com/U19kBE7TPI
— ANI Digital (@ani_digital) May 21, 2018