UK Coronavirus Variant: രാജ്യം ആശങ്കയില്‍, ജനിതക മാറ്റം വന്ന വൈറസ് വ്യാപിക്കുന്നു

New Delhi: ബ്രിട്ടനില്‍ പടര്‍ന്നുപിടിച്ച  തീ​​​വ്ര​​വ്യാ​​പ​​ന​​ശേ​​ഷി​​യു​​ള്ള ജനിതക  മാറ്റം വന്ന വൈറസ്  ഇന്ത്യയില്‍ കൂടുതല്‍ പേരിലേയ്ക്ക് വ്യാപിക്കുന്നതായി റിപ്പോര്‍ട്ട്.

കഴിഞ്ഞ 24 മണിക്കൂറില്‍   20 പേ​ര്‍​ക്കു​കൂ​ടി പുതിയ വൈറസ് സ്ഥിരീകരിച്ചതോടെ  രാ​ജ്യ​ത്ത്,​ ജ​നി​ത​ക​മാ​റ്റം​വ​ന്ന വൈ​റ​സ്​  (UK Coronavirus Variant) ബാ​ധി​ച്ച​വ​രു​ടെ എ​ണ്ണം 58 ആ​യി. പൂനെ വൈ​റോ​ള​ജി ഇ​ന്‍​സ്​​റ്റി​റ്റ്യൂ​ട്ടി​ല്‍ ന​ട​ന്ന പ​രി​ശോ​ധ​ന​യി​ലാ​ണ്​ വൈറസ്  സ്​​ഥി​രീ​ക​രി​ച്ച​ത്. ഇ​ക്കാ​ര്യം കേ​ന്ദ്ര ആ​രോ​ഗ്യ മ​ന്ത്രാ​ല​യ​വും  (Health Ministry) സ്​​ഥി​രീ​ക​രി​ച്ചു.

വിവിധ സംസ്ഥാനങ്ങളില്‍ രോ​ഗം സ്​​ഥി​രീ​ക​രി​ച്ച​വ​രെ അ​ത​ത്​ സം​സ്​​ഥാ​ന​ങ്ങ​ളി​ല്‍ മു​റി​യി​ല്‍ ത​നി​ച്ച്‌​ താ​മ​സി​പ്പി​ച്ച്‌​ സൂ​ക്ഷ്​​മ നി​രീ​ക്ഷ​ണം തു​ട​രു​ക​യാ​ണ്. ഇവരുമായി അടുത്ത ബന്ധം പുലര്‍ത്തിയവരോട്  ക്വാ​റ​ന്‍​റീ​നി​ല്‍ കഴിയാന്‍ നിര്‍ദ്ദേശിച്ചിട്ടുണ്ട്.   വി​ദേ​ശ​ത്തു​നി​ന്ന്​ എ​ത്തി​യ​വ​രാ​യ​തി​നാ​ല്‍ ക്വാ​റ​ന്‍​റീ​നി​ലാ​യി​രു​ന്നു എ​ല്ലാ​വ​രും. അ​തു​കൊ​ണ്ടു​​ത​ന്നെ അ​ടു​ത്ത്​ ഇ​ട​പ​ഴ​കി​യ​തു​വ​ഴി രോ​ഗ​വ്യാ​പ​ന​ത്തി​ന്​ സാ​ധ്യ​ത കു​റ​വാണ് ഇ എന്നാണ്   ആ​രോ​ഗ്യ വകുപ്പി​ന്‍റെ  വി​ല​യി​രു​ത്ത​ല്‍. ഇവരോടൊപ്പം ഒ​രു​മി​ച്ച്‌​ യാ​ത്ര​ചെ​യ്​​ത​വ​രും കു​ടും​ബാം​ഗ​ങ്ങ​ളു​മെ​ല്ലാം നി​രീ​ക്ഷ​ണ​ത്തി​ലാ​ണ്.

അതേസമയം, ബ്രിട്ടനിൽ നിന്നും മടങ്ങിയെത്തിയ നിരവധിപേർ തെറ്റായ മേല്‍വിലാസം നൽകിയത് പ്രശ്നങ്ങള്‍ കൂടുതല്‍ സങ്കീര്‍ണ്ണമാക്കുകയാണ്.  ബ്രിട്ടനിൽ നിന്നും ഒരുമാസത്തിനിടെ ഇന്ത്യയില്‍ എത്തിയവരെല്ലാം  കൊറോണ  (Covid Test) പരിശോധന നടത്തണമെന്ന്  കേന്ദ്ര സർക്കാർ നിർദ്ദേശം നൽകിയിരുന്നു.

നവംബർ അവസാനം മുതൽ ഡിസംബർ 23 വരെ ബ്രിട്ടനിൽ നിന്നും 33,000 പേരാണ് ഇന്ത്യയില്‍ എത്തിച്ചേര്‍ന്നത് എന്നാണ് കണക്ക്.

ബ്രിട്ടനിലാണ് ജനിതക മാറ്റം വന്ന കൊറോണ വൈറസ്   (Covid variant) ആദ്യമായി റിപ്പോര്‍ട്ട് ചെയ്യപ്പെട്ടത്. അതിവേഗം പടരുന്ന വിധത്തില്‍ കൊറോണ  വൈറസിന് ജനിതക മാറ്റം സംഭവിച്ചത്  ലോകം ആശങ്കേയോടെയാണ് നോക്കി കാണുന്നത്.

ജനിതകമാറ്റം വന്ന പുതിയ കൊറോണ വൈറസ് 70 ശതമാനം വ്യാപന ശേഷി കൂടുതലുള്ളവയാണ്. എന്നാല്‍, പുതിയ  കൊറോണ വൈറസ് പെട്ടെന്ന് പകരുന്നതാണെങ്കിലും പഴയതിനോളം മാരകമല്ല എന്നാണ് പഠനങ്ങള്‍ തെളിയിക്കുന്നത്.

അതേസമയം,  രാ​ജ്യ​ത്തെ പ്ര​തി​ദി​ന കോ​വി​ഡ്​ വ്യാ​പ​നം ആ​റു​മാ​സ​ത്തി​നി​ട​യി​ലു​ള്ള ഏ​റ്റ​വും കു​റ​ഞ്ഞ സം​ഖ്യ​യി​ലെ​ത്തിയത് ഏറെ പ്രതീക്ഷയ്ക്ക്  വക നല്‍കുന്നു. 

ചൊ​വ്വാ​ഴ്​​ച രാ​വി​ലെ എ​ട്ടു​വ​രെ​യു​ള്ള ക​ണ​ക്ക​നു​സ​രിച്ച് 16,375 പേ​ര്‍​ക്കാ​ണ്​ പു​തു​താ​യി രോ​ഗം സ്​​ഥി​രീ​ക​രി​ച്ച​ത്. ​ ആ​കെ രോ​ഗ​ബാ​ധി​ത​ര്‍ 1.03 കോ​ടി​യാ​യി. 201 പേ​ര്‍​കൂ​ടി മ​രി​ച്ച​തോ​ടെ രാ​ജ്യ​ത്തെ ആ​കെ മ​ര​ണം ഒ​ന്ന​ര ല​ക്ഷ​ത്തോ​ട​ടു​ക്കു​ന്നു. മ​ര​ണ​നി​ര​ക്ക്​ 1.45% ആണ്.  ചി​കി​ത്സ​യി​ലു​ള്ള​വ​രുടെ  എ​ണ്ണം മൂ​ന്നു​ല​ക്ഷ​ത്തി​ല്‍ താ​ഴെ​യാ​യി​ട്ട്​ 15 ദി​വ​സം പി​ന്നി​ട്ടു. ആ​രോ​ഗ്യ മ​ന്ത്രാ​ല​യം പു​റ​ത്തു​വി​ട്ട ക​ണ​ക്ക​നു​സ​രി​ച്ച്‌​ ​കോ​വി​ഡ്​ രോ​ഗി​ക​ളി​ല്‍ 43.96% പേ​ര്‍ ചി​കി​ത്സ​യി​ലും 56.04% പേ​ര്‍ ഹോം ​ഐ​സൊ​ലേ​ഷ​നി​ലു​മാ​ണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App.ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... 
android Link - https://bit.ly/3b0IeqA 
ios Link - https://apple.co/3hEw2hy