കോൺഗ്രസ് വിട്ട പിസി ചാക്കോ ഇന്ന് എൻസിപിയിൽ ചേരും; ഇനി എൽഡിഎഫിന്റെ ഭാഗം

ഡൽഹിയിലെത്തി ശരദ് പവാറിനെ കണ്ടതിന് ശേഷമാണ് പിസി ചാക്കോ എൻസിപി ചേരുന്ന കാര്യം അറിയിച്ചത്

New Delhi : കഴിഞ്ഞ ദിവസം കോൺ​ഗ്രസിൽ നിന്ന് രാജിവെച്ച PC Chacko Sharad Pawar ന്റെ NCP യിൽ ചേരും. ഇന്ന് ഡൽഹിയിൽ പവറുമായി നടത്തിയ ചർച്ചയ്ക്ക് ശേഷമാണ പി സി ചാക്കോ എൻസിപിയിൽ ചേരുന്ന കാര്യം അറിയിച്ചത്. 

I'm meeting Sharad Pawar. Whatever crisis party is facing, it needs to be discussed. I'm also meeting Sitaram Yechury & GN Azad to discuss future course of action. I need to extend my support to LDF. I'll decide (on joining) after meeting Pawar sahab: Ex-Congress leader PC Chacko pic.twitter.com/qwxDZo2zGp

— ANI (@ANI) March 16, 2021

കേരളത്തിൽ സിപിഎം നയിക്കുന്ന ഇടതുപക്ഷത്തിന്റെ സഖ്യകക്ഷിയാണ് ശരദ് പവാറിന്റെ എൻസിപി. കോൺ​ഗ്രസിലെ പ്രശ്നങ്ങൾ പവാറുമായി ചെയ്തുയെന്നും ഇനി സിപിഎം നേതാവ് സീതറാം യച്ചൂരിയെയും കോൺ​ഗ്രസ് നേതാവ് ​ഗുലാം നബി ആസാദിനെയും നേരിൽ കണ്ട് സംസാരിക്കുമെന്ന് പി സി ചാക്കോ അറിയിച്ചു.

കോൺ​ഗ്രസ് പാർട്ടിക്കുള്ളിലെ അവ​ഗണന ആരോപിച്ചാണ് പി സി ചാക്കോ കഴിഞ്ഞ ദിവസം കോൺ​ഗ്രസിന്റെ അഖിലേന്ത്യ അധ്യക്ഷ സോണിയ ​ഗാന്ധിക്ക് രാജി സമർപ്പി‍ച്ചത്. തെരഞ്ഞെടുപ്പിൽ പരി​ഗണന നൽകാത്ത സാഹചര്യത്തിലാണ് പി സി ചാക്കോ രാജിവെച്ചത്. കേരളത്തിൽ കോൺ​ഗ്രസെന്ന് പാർട്ടയില്ല എ കോൺ​ഗ്രസും ഐ കോൺ​ഗ്രസുമാണുള്ളതെന്ന് പി സി ചാക്കോ കുറ്റപ്പെടുത്തിയിരുന്നു. തെര‍ഞ്ഞെടുപ്പിൽ ഈ പാർട്ടിക്കാരുടെ സീറ്റ് വീതം വെപ്പാണ് കോൺ​​ഗ്രസിനുള്ളിൽ നടക്കുന്നതെന്ന് പി സി ചാക്കോ പറഞ്‍ഞിരുന്നു.‌

തെരഞ്ഞെടുപ്പ് അടുത്തിരിക്കെ കോൺ​ഗ്രസിന് തിരിച്ചടിയാകും വിധമാണ് ചാക്കോയുടെ രാജി. ഉമ്മൻ ചാണ്ടിയും രമേശ് ചെന്നിത്തല പറയുന്ന ആൾക്കാരണ് മത്സരിക്കുന്നത്. തന്റെ മണ്ഡലത്തിൽ ആരാണ് നിൽക്കുന്നതെന്ന് തനിക്ക് പോലും അറിയില്ലെന്ന് ചാക്കോ കുറ്റപ്പെടുത്തിയിരുന്നു.

കോൺ​ഗ്രസിൽ ജനാധിപത്യ മര്യാദയില്ലെന്നും ചാക്കോ ചൂണ്ടിക്കാണിക്കുകയും ചെയ്തു. സംസ്ഥാന കോൺ​ഗ്രസിൽ വി.എം സുധീരനെ ​ഗ്രൂപ്പുകാർ ശ്വാസം മുട്ടിച്ച് പുറത്താക്കുകയായിരുന്നുയെന്ന് പിസി ചാക്കോ ആരോപിച്ചു.  

അതേസമയം ദേശീയതലത്തിൽ കോൺ​ഗ്രസിന്റെ സ്ഥിതി വ്യത്യസ്തമല്ലെന്നും ചാക്കോ പറ‍ഞ്ഞു. ബിജെപിക്കെതിരെ മുഖ്യമായ പ്രതിപക്ഷമാകാൻ കോൺ​ഗ്രസിന് സാധിക്കുന്നില്ലെന്നും പി സി ചാക്കോ കുറ്റപ്പെടുത്തി.

ഒരു കാലത്ത് ​ദേശിയതലത്തിൽ കേരളത്തിന്റെ കോൺ​ഗ്രസ് മുഖമായിരുന്നു പി സി ചാക്കോ. നാല് തവണയാണ് പിസി ചാക്കോ കേരളത്തിൽ നിന്ന് കോൺ​ഗ്രസിന് പ്രതിനിധികരിച്ച് എംപിയായി പാർലമെന്റിലെത്തിയത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy