തൊടുപുഴ: വിവാദങ്ങളുടെ പേരിൽ തെൻറ ശൈലി മാറ്റാൻ ഉദ്ദേശിക്കുന്നില്ലെന്നും ശൈലി മാറ്റിയാൽ പിന്നെ താനില്ലെന്നും വൈദ്യുതി മന്ത്രി എം.എം. മണി. താന്‍ സ്ത്രീവിരുദ്ധ പരാമര്‍ശം നടത്തിയിട്ടില്ല. തന്‍റെ പ്രസ്താവന വിവാദം ഉണ്ടാക്കാൻ കാരണമായി എന്നതിനാലാണ് നടപടി ഉണ്ടായതെന്നും പാർട്ടി നടപടി പൂർണമായും ഉൾക്കൊള്ളുന്നുവെന്നും മണി പറഞ്ഞു.
അതേസമയം വിവാദങ്ങളുണ്ടാക്കാൻ ആഗ്രഹമില്ല. തന്‍റെ സഹോദരൻ ലംബോദരന് അനധികൃത സ്വത്ത് ഉണ്ടെങ്കിൽ അക്കാര്യം അന്വേഷിക്കെട്ടയെന്നും അദ്ദേഹം മാധ്യമപ്രവർത്തകരോട് പറഞ്ഞു.
അതേസമയം, മണിയെ പരസ്യമായി ശാസിക്കാന്‍ കഴിഞ്ഞ ദിവസം ചേര്‍ന്ന സിപിഎം സംസ്ഥാന സമിതി തീരുമാനിച്ചിരുന്നു. മണിയുടെ നിരന്തരമായ പരാമര്‍ശങ്ങള്‍ പാര്‍ട്ടിയെയും സര്‍ക്കാരിനെയും പ്രതിരോധത്തിലാക്കുകയാണെന്നും മുഖംനോക്കാതെ നടപടിയെടുക്കാന്‍ പാര്‍ട്ടി തയാറാകണമെന്നും ചര്‍ച്ചയില്‍ പങ്കെടുത്ത ഭൂരിപക്ഷം അംഗങ്ങളും അഭിപ്രായപ്പെട്ടിരുന്നു.
