School bus caught fire: ആലപ്പുഴയിൽ സ്‌കൂള്‍ ബസിന് തീപിടിച്ചു, ബസ് പൂർണമായും കത്തിനശിച്ചു; വൻ ദുരന്തം ഒഴിവായത് തലനാരിഴയ്ക്ക്

School Bus Fire Alappuzha: ഡ്രൈവറുടെ സമയോചിത ഇടപെടൽ മൂലം തലനാരിഴയ്ക്കാണ് വൻ ദുരന്തം ഒഴിവായത്.

ആലപ്പുഴ: ചെങ്ങന്നൂരിൽ സ്‌കൂള്‍ ബസിന് തീപിടിച്ച് ബസ് പൂർണമായി കത്തി നശിച്ചു. വിദ്യാര്‍ത്ഥികളുമായി പോയ ബസിനാണ് തീപിടിച്ചത്. ഗവൺമെന്റ് ഹയര്‍സെക്കന്‍ഡറി സ്‌കൂളിന് സമീപത്ത് വച്ചായിരുന്നു അപകടം. മാന്നാര്‍ ഭൂവനേശ്വരി സ്‌കൂളിന്റെ ബസിനാണ് തീപിടിച്ചത്.

പുക ഉയര്‍ന്നതോടെ ഡ്രൈവര്‍ വാഹനം നിര്‍ത്തി കുട്ടികളെ പുറത്തിറക്കി. അപകടത്തില്‍ സ്‌കൂള്‍ ബസ് പൂര്‍ണമായി കത്തി നശിച്ചു. ബസില്‍ 17 കുട്ടികളാണ് ഉണ്ടായിരുന്നത്. ഡ്രൈവറുടെ സമയോചിത ഇടപെടൽ മൂലം തലനാരിഴയ്ക്കാണ് വൻ ദുരന്തം ഒഴിവായത്.

പുക ഉയരുന്നത് കണ്ട് നാട്ടുകാർ കാർ നിർത്തിച്ചു; പിന്നാലെ കാർ കത്തിയമർന്നു, ഒഴിവായത് വൻ ദുരന്തം

വയനാട്: വയനാട്ടിൽ ഓടിക്കൊണ്ടിരിക്കുന്ന കാറിന് തീപിടിച്ചു. കാർ പൂർണമായും കത്തിനശിച്ചു. യവനാർകുളം ഏറത്ത് ജെസിലിന്റെ സാൻട്രോ കാർ ആണ് കത്തിയത്. തവിഞ്ഞാൽ കഴുക്കോട്ടൂരിലാണ് അപകടം. ആർക്കും പരിക്കില്ല.

യവനാർകുളത്തുനിന്നും മാനന്തവാടിയിലേക്ക് പോകുന്ന വഴിയാണ് സംഭവം. കാറിൽ രണ്ടുപേരാണ് ഉണ്ടായിരുന്നത്. പുക ഉയരുന്നത് കണ്ട് നാട്ടുകാരാണ് വാഹനം നിർത്തിച്ചത്. കാർ പൂർണമായി കത്തി നശിച്ചു. തിങ്കളാഴ്ച വൈകുന്നേരമാണ് സംഭവം ഉണ്ടായത്.