Kothamangalam Road Accident: എറണാകുളം കോതമംഗലത്ത് വാഹനാപകടത്തിൽ രണ്ട് മരണം

Kothamangalam Bike Accident: സംഭവം നടന്നത് ഇന്നലെ രാത്രി പത്തുമണിയോടെ ആയിരുന്നു. ഇടിയുടെ ആഘാതത്തിൽ ബൈക്കിന്റെ മുൻഭാഗം തകർന്നിരുന്നു.

കൊച്ചി: എറണാകുളം കോതമംഗലത്ത് വാഹനാപകടത്തിൽ രണ്ടു പേർക്ക് ദാരുണാന്ത്യം.  കോട്ടപ്പടി സ്വദേശികളായ അഭിരാമൻ, ആൽബിൻ എന്നിവരാണ് മരിച്ചത്. ഇവർ സഞ്ചരിച്ചിരുന്ന ബൈക്ക് പിക്ക് അപ്പ്‌ വാനിന്റെ പിറകിൽ ഇടിച്ചു കയറിയാണ് അപകടം.

സംഭവം നടന്നത് ഇന്നലെ രാത്രി പത്തുമണിയോടെ ആയിരുന്നു. ഇടിയുടെ ആഘാതത്തിൽ ബൈക്കിന്റെ മുൻഭാഗം തകർന്നിരുന്നു. പരിക്കേറ്റ ഉടനെ അഭിരാമനേയും ആൽബിനേയും കോതമംഗലം ബസേലിയാസ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.  ഇവരുടെ മൃതദേഹം മോർച്ചറിയിലേക്ക് മാറ്റിയിട്ടുണ്ട്.  

പത്തനംതിട്ടയിൽ കാട്ടാന ആക്രമണം; ഗൃഹനാഥന് ദാരുണാന്ത്യം!

പത്തനംതിട്ട: കാട്ടാന ആക്രമണത്തിൽ ഒരു ജീവൻ കൂടി പൊലിഞ്ഞു. പത്തനതിട്ട തുലാപ്പള്ളിയിൽ കാട്ടാന ആക്രമണത്തിൽ സ്വന്തം വീട്ടു മുറ്റത്ത് ഗൃഹനാഥന് ദാരുണാന്ത്യം. തുലാപ്പള്ളി പുളിയൻകുന്നുമല സ്വദേശി ബിജുവാണ് മരിച്ചത്. 

വീട്ടുമുറ്റത്തു നിന്ന് അനക്കം കേട്ട് പുറത്തിറങ്ങിയപ്പോൾ ആന ആക്രമിക്കുകയായിരുന്നു എന്നാണ് റിപ്പോർട്ട്.  വീടിന്റെ മുറ്റത്ത് ആന കൃഷികൾ നശിപ്പിക്കുന്ന ശബ്ദം കേട്ടപ്പോൾ ബിജു ആനയെ ഓടിക്കാൻ ഇറങ്ങിയതാണ് പിന്നീട് വീട്ടിൽ നിന്നും 50 മീറ്റർ അകലെയായി ബിജുവിനെ മരിച്ച നിലയിൽ കണ്ടെത്തുകയായിരുന്നു.  വിവരമറിഞ്ഞ പമ്പ പോലീസ് സ്ഥലത്തെത്തിയിരുന്നു