കോവിഷീൽഡിനും കോവാക്സിനും പുറമെ സ്പുട്നിക് 5 വാക്‌സിന് ഉപയോഗത്തിന് അനുമതി നൽകി. നിലവിൽ രാജ്യത്ത് വാക്‌സിൻ ക്ഷാമം നേരിടുന്ന സാഹചര്യത്തിലാണ് സ്പുട്നിക് വാക്‌സിൻ അനുമതി നൽകിയത്. സ്പുടിനിക്കിന് പുറമെ ഇനി ഫൈസറുൾപ്പെടെ മറ്റ് വാക്സിനുകൾക്കും അനുമതി നൽകിയേക്കും. സ്പുട്നിക്കിനെ കുറിച്ച് നിങ്ങൾക്ക് അറിയേണ്ടതെല്ലാം.
ലോകത്തിലെ ആദ്യ കോവിഡ് വാക്‌സിനാണ് സ്പുട്നിക് V. റഷ്യൻ നിർമ്മിത വാക്‌സിനാണ് സ്പുട്നിക്. ഗമെലിയ നാഷണൽ സെന്റർ ഓഫ് എപിഡമോളജി ആണ് വാക്‌സിൻ നിർമ്മിച്ചിരിക്കുന്നത്.
2020 ഓഗസ്റ്റ് 11 നാണ് വാക്‌സിൻ അനുമതി നൽകിയത്. വിവിധ രാജ്യങ്ങളിൽ സ്പുട്നിക് 5 ന്റെ ഉപയോഗം ആരംഭിച്ചിരുന്നു. ഇപ്പോൾ അടിയന്തര ഉപയോഗത്തിനാണ് ഇന്ത്യയിൽ അനുമതി നൽകിയിരിക്കുന്നത്.
ലോകത്തിലെ ആദ്യ ഭൂമിയുടെ മനുഷ്യ നിർമ്മിത ഉപഗ്രഹമായ സ്പുട്നിക് 1 ന്റെ ഓർമ്മയ്ക്കായി ആണ് വാക്‌സിന് സ്പുട്നിക് എന്ന് പേരിട്ടിരിക്കുന്നത്. V എന്ന അക്ഷരം വാക്‌സിനെയാണ് സൂചിപ്പിക്കുന്നത്. അത് റോമൻ നമ്പർ അഞ്ചല്ല.
