Micromax In 1 ഇന്ത്യയിൽ അവതരിപ്പിച്ചു; വില, സവിശേഷതകൾ തുടങ്ങി അറിയേണ്ടതെല്ലാം

ഇന്ത്യൻ കമ്പനിയായ മൈക്രോമാക്സിന്റെ ഇൻ സീരിസിലെ മൂന്നാമത്തെ ഫോണായ മൈക്രോമാക്ജ് ഇൻ 1 ഇന്ത്യയിൽ അവതരിപ്പിച്ചു

New Delhi: ഇന്ത്യൻ (Indian) കമ്പനിയായ മൈക്രോമാക്സിന്റെ ഇൻ  സീരിസിലെ മൂന്നാമത്തെ ഫോണായ മൈക്രോമാക്ജ് ഇൻ 1 ഇന്ത്യയിൽ അവതരിപ്പിച്ചു. ബജറ്റ് ഫോൺ വിഭാഗത്തിൽ പെടുന്ന ഫോണിൽ  48 മെഗാപിക്സൽ ക്യാമറയും മീഡിയ ടെക് ഹീലിയോ G80 SoC പ്രൊസ്സസറും 5000 mAh ബാറ്ററിയുമാണ് ഏറ്റവും കൂടുതൽ ശ്രദ്ധയാകര്ഷിക്കുന്ന സവിശേഷതകൾ.

2021’s dhamakedar release is here! Introducing #IN1 India ka Naya Blockbuster that packs power,performance & style! Buy at an introductory price of 4+64GB for ₹9999 & 6+128GB for just ₹11499
1st sale- 26th March,12pm @Flipkart & https://t.co/fNtSGablzI #INdiaKaNayaBlockbuster pic.twitter.com/8Rz73Dqse3

— IN by Micromax - #IN1 (@Micromax__India) March 19, 2021

Micromax In 1ന്റെ വില ആരംഭിക്കുന്നത് 9999 രൂപയിലാണ്. ഇതിന് പ്രധാനമായും രണ്ട് സ്റ്റോറേജ് (Storage) വേരിയന്റുകളാണുള്ളത്. അതിൽ 4GB RAM 64 GB സ്റ്റോറേജ് ഫോണിന്റെ വിലയാണ് 9,999 രൂപ. ഫോണിന്റെ രണ്ടാമത്തെ സ്റ്റോറേജ് വേരിയന്റായ 6 GB RAM 128 GB സ്റ്റോറേജിന്റെ വില 11,499 രൂപയാണ്. എന്നാൽ ശ്രദ്ധിക്കേണ്ട കാര്യം ഈ വില മാർച്ച് 26ന് മാത്രമായിരിക്കും. അതിന് ശേഷം GB RAM 64 GB സ്റ്റോറേജ് ഫോണിന്റെ വില 10,499 രൂപയും   6 GB RAM 128 GB സ്റ്റോറേജ് ഫോണിന്റെ വില 11,999 രൂപയുമായിരിക്കും.

ഫോൺ പ്രധാനമായും രണ്ട് നിറങ്ങളിലാണ് എത്തുന്നത്. പർപ്പിൾ, ബ്ലൂ എന്നീ നിറങ്ങളിലാണ് ഫോൺ ഇപ്പോൾ ലഭ്യമായിട്ടുള്ളത്. ഫോണിന് 6.67 ഇഞ്ച്  FHD+ ഹോൾ പഞ്ച്  ഡിസ്‌പ്ലേയാണുള്ളത്.  (Display) ഡിസ്പ്ലയുടെ റേഷിയോ 20:9 ആണ്. ഇത് കൂടാതെ ഡിസ്പ്ലേ L1 വൈഡ്വൈൻ സപ്പോർട്ട് ചെയ്യുകയും ചെയ്യും. 2.0 GHz   മീഡിയ ടെക് ഹീലിയോ G80 SoC പ്രൊസ്സസറാണ് ഫോണിൽ ക്രമീകരിച്ചിട്ടുള്ളത്.

ഫോണിൽ 18 W ഫാസ്റ്റ് ചാർജറോട് കൂടിയ 5000 mAh ബാറ്ററിയാണ് (Battery) ഉള്ളത്. ട്രിപ്പിൾ റിയർ കാമറ സെറ്റപ്പ് ആണ് ഫോണിൽ ഒരുക്കിയിരിക്കുന്നത്. അതിൽ ക്യാമറയുടെ പ്രധാന സെൻസർ 48 മെഗാപിക്സലാണ്. അത് കൂടാതെ 2 മെഗാപിക്സൽ വീതമുള്ള ഡെപ്ത് ഓഫ് ഫീൽഡ് സെൻസറും മാക്രോ സെൻസറുമാണ് ഫോണിൽ ക്രമീകരിച്ചിരിക്കുന്നത്. നൈറ്റ് മോഡോട് കൂടിയ 8 മെഗാപിക്സൽ ഫ്രന്റ് ക്യാമറയാണ് ഫോണിനുള്ളത്.

ആൻഡ്രോയിഡ് 10 ഓപ്പറേറ്റിംഗ് സിസ്റ്റമാണ് ഫോണിൽ (Smartphone) ഉപയോഗിച്ചിരിക്കുന്നത്. ഇത് കൂടാതെ ഡ്യൂവൽ വൈഫൈ ബാൻഡും, ഡ്യൂവൽ വിഓ വൈഫൈയും, ബ്ലൂടൂത്ത് 5.0, USB ടൈപ്പ് സി പോർട്ടും ഫോണിൽ ക്രമീകരിച്ചിട്ടുണ്ട്. പ്രോക്സിമിറ്റി, ലൈറ്റ്, ആക്സിലെറോമീറ്റർ, കോമ്പസ്, ഗൈറോസ്കോപ്പ്, ഗ്രാവിറ്റി തുടങ്ങിയ സെന്സറുകളാണ് ഫോണിലുള്ളത്.  

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy