ഫോര്വേഡ് മെസേജുകള്ക്ക് വാട്സ്ആപ്പ് പരിധി നിര്ണയിക്കുന്നു. വാട്സ്ആപ്പ് വഴി പരക്കുന്ന വ്യാജ വാര്ത്തകള് തടയുന്നതിന് വേണ്ടിയാണ് പുതിയ നടപടി.
ഒരു മെസേജ് അഞ്ച് പേര്ക്ക് മാത്രമേ ഇനി വാട്സ്അപ്പ് വഴി ഫോര്വേഡ് ചെയ്യാനാകു. ടെക്സ്റ്റ്, ചിത്രങ്ങള്, വീഡിയോ തുടങ്ങിയവക്കെല്ലാം നിയന്ത്രണം ബാധകമാണ്.
വ്യാജവാര്ത്തകള് തടയണമെന്ന് ആവശ്യപ്പെട്ട് സര്ക്കാര് രണ്ടാമത്തെ നോട്ടീസ് അയച്ചതിന് പിന്നാലെയാണ് ഇക്കാര്യത്തില് നടപടികള് കര്ശനമാക്കാന് വാട്സ്ആപ്പ് നിര്ബന്ധിതരായത്.
വാട്സ്ആപ്പിലൂടെ പ്രചരിക്കുന്ന വ്യാജവാര്ത്തകള് ആള്ക്കൂട്ട കൊലകള്ക്ക് വരെ കാരണമായ സാഹചര്യത്തിലാണ് സര്ക്കാര് നോട്ടീസ് അയച്ചത്.
ആള്ക്കൂട്ട കൊലപാതകത്തിനെതിരെ സുപ്രീം കോടതിയും രംഗത്ത് വന്നിരുന്നു. നേരത്തെ വ്യാജ വാര്ത്തകളെ തടയുന്നതിനായി വാട്സ്ആപ്പ് ഫോര്വേഡ് മെസേജുകള്ക്ക് മുകളില് പ്രത്യേക ലേബല് നല്കിയിരുന്നു. ഇതിന് പിന്നാലെയാണ് വ്യാജ വാര്ത്തകള് തടയുന്നതിനായി വാട്സ്ആപ്പിന്റെ പുതിയ നീക്കം.