सलमान खानला पाठिंंबा दर्शवल्याने 'या' अभिनेत्रीला धमकीचे फोन ! पोलिसात FIR दाखल

मुंबई : बॉलिवूडचा दबंगस्टार सलमान खानला जोधपूर सेशन कोर्टाने काळवीट शिकार प्रकरणी दोषी ठरवले आहे. या प्रकरणामध्ये सलमान खानला पाच वर्षांची शिक्षा ठोठावण्यात आली. सलमान खानला कोर्टाने दोषी ठरवले असले तरीही त्याचे चाहते आणि बॉलिवूड मात्र सलमान खानच्या पाठिशी उभे राहिले आहे.  

कुनिका सदानंदलालला धमकी 

अभिनेत्री कुनिका सदानंदलाल ही अभिनेत्री 'हम साथ साथ है' या चित्रपटामध्ये सलमान खानासोबत होती. काळवीट शिकार प्रकरणी त्याला पाठिंबा दिल्यानंतर कुनिका धमकी मिळाली आहे. 

कुनिकाला बिष्णोई समाजाकडून धमकी मिळत आहे. जीवेमारणीच्या धमकीप्रमाणेच तिला काही अश्लिल मेसेज येत आहेत. यामुळे ओशिवरा पोलिस स्टेशनमध्ये कुनिकाने तक्रार केली आहे. 

Retweeted Bhagirath Bishnoi (@bhagirath_29 @Kunickaa हम आपका सम्मान करते हैं लेकिन आपके बयान का नही।।ओर हम लोग सभी लोगो को शुद्ध वातावरण मिले इसलिए लड़ रहे है जिस जगह मानव के रहने में मुश्किल है लेकिन हमारे यहाँ स्वच्छंद विचरण करते वन्य प्राणी मिलेंगे।। @LifeAmrit

— Kunickaa Sadanand (@Kunickaa) April 10, 2018

सलमान खानच्या पाठीशी कुनिका 

सलमान खानला दोषी ठरवून तुरूंगवासाची शिक्षा ठोठावल्यानंतर कुनिकाने याप्रकरणी काही मतं मांडली आहेत. बिष्णोई समाजदेखील शिकार करते. याकडे एक प्रकरण म्हणून पहावे अशाप्रकारची वक्तव्य कुनिकाने एका टेलिव्हिजन शोमध्ये मांडली होती. 

कुनिकाने तिची मतं मांडल्यानंतर या तिला धमकी येण्यास सुरूवात झाली. याप्रकरणी तिने सोशल मीडियावर अनेक ट्विट्स केले आहेत.  

Chidiya Ghar 

A post shared by Kunickaa Sadanand (@iam_kunickaasadanand) on Jul 10, 2016 at 4:32am PDT

कुनिकाच्या माहितीनुसार संतोष बिष्णोईच्या नावाने फोन आला होता. त्यांनी माफी मागायला सांगितली. माफी मागायला नकार दिल्यानंतर तिला धमकी येण्यास सुरूवात झाली. सोशल मीडियामधेयही संबंधित प्रकरणी धमकी आल्यानंतर एफआरआय दाखल केले असल्याचे तिने म्हटले आहे.