अनन्या पांडेला दूध पाजताना आजी पित होती बियर; फोटो पाहून नेटकऱ्यांना आली दिलजीत दोसांझची आठवण

(Photo Credit : Social Media)

Ananya Panday Gndmother Drinking Beer : बॉलिवूड अभिनेत्री अनन्या पांडे ही सतत कोणत्या ना कोणत्या कारणामुळे चर्चेच असते. कधी तिचे प्रोजेक्ट्स तर कधी तिच्या सोशल मीडिया पोस्ट. सोशल मीडियावर अनन्या पांडे ही कायम सक्रिय राहते. सोशल मीडियावर अनन्यानं नुकतीच शेअर केलेली पोस्ट प्रचंड व्हायरल झाली आहे. अनन्याची ही पोस्ट पाहिल्यानंतर नेटकऱ्यांनी संताप व्यक्त केला आहे. या फोटोला आता नेटकऱ्यांनी दिलजीत दोसांझशी जोडण्यास सुरुवात केली आहे. 

अनन्यानं तिच्या इन्स्टाग्राम अकाऊंटच्या स्टोरीवरून एक पोस्ट शेअर केली आहे. या पोस्टमध्ये तिनं एक फोटो शेअर केला असून त्यातून तिनं आजीला वाढदिवसाच्या शुभेच्छा दिल्या आहेत. अनन्याच्या या पोस्टवरून एक मोठा वाद सुरु झाला आहे. त्याचं कारण म्हणजे तिनं तिच्या आजीसोबतचा एक अनसिन फोटो शेअर केला आहे. या फोटोत छोटी अनन्याला तिची आजी बॉटलनं दूध प्यायला देत असल्याचं दिसत आहे. तर दुसरीकडे अनन्याच्या आजीच्या हातात बीयरचा ग्लास असल्याचं दिसून येत आहे. अनन्यानं त्यासोबत कॅप्शन दिलं की वाढदिवसाच्या 'शुभेच्छा आजी! लव्ह यू चियर्स.'

अनन्यानं शेअर केलेल्या या पोस्टमध्ये बीयर आणि हसत असल्याचं इमोजी पाहायला मिळत आहे. या सगळ्याची सोशल मीडियावर चर्चा सुरु आहे. या आधी दिलजीत दोसांझनं हैदराबादमध्ये परफॉर्म करत असताना त्याच्या गाण्याचे बोल बदलले. त्यानंतर त्यानं गाण्याचे बोल बदलून '5 तारा थेके' ला '5 तारा होटल' आणि 'दारू च नींबू पानी' ला त्यानं 'कोक च नींबू पानी' असे बदलले.

हेही वाचा : रश्मिकासोबत अफेयरवर विजय देवरकोंडाचं शिक्कामोर्तब? म्हणाला, '35 वर्षांचा असताना मी...'

दरम्यान, तेलंगाना सरकारनं दिलजीतला मद्यपान आणि ड्रग्सला प्रोत्साहन देणाऱ्या गाण्यांना बॅन केलं होतं. त्यामुळे आता अनन्याच्या पोस्ट सोशल मीडियावर व्हायरल झाला असून सगळीकडे त्याचीच चर्चा सुरु आहे. सेलिब्रिटींविषयी रोज काही ना काही गोष्टी समोर येत असून त्यांना मद्यपान प्रमोट करण्यावरून ट्रोल केलं आहे.