दोनदा घटस्फोटीत व्यक्तीचं प्रसिद्ध अभिनेत्रीसोबत थाटामाटात तिसरं लग्न

मुंबई : भाभी जी घर पर हैं या चित्रपटात नेहा पेंडसे अनिता भाभीची भूमिका साकारत आहे. सौम्या टंडन शोमधून बाहेर पडल्यापासून नेहा ही व्यक्तिरेखा चोख बजावत आहे. नेहा पेंडसे तिच्या अभिनय कारकिर्दीसोबतच तिच्या वैयक्तिक आयुष्यामुळेही चर्चेत असते. तिचे लग्न शार्दुल सिंग ब्यासशी झाले आहे. नेहा शार्दुलची तिसरी पत्नी आहे.

नेहा पेंडसेने जानेवारी 2020 मध्ये शार्दुल सिंग बियाससोबत लग्न केले. शार्दुल हा बिझनेसमन आहे. नेहाच्या आधी शार्दुल सिंगची दोन लग्न झाली आहेत. शार्दुलचा दोन्ही पत्नींपासून घटस्फोट झाला होता.शार्दुलचे पहिले लग्न नेहा बोरासोबत झाले होते. या लग्नातून त्यांना एक मुलगी आहे. काही वर्षांनी शार्दुलचा नेहा बोरासोबत घटस्फोट झाला.

घटस्फोटानंतर 2012 मध्ये शार्दुलने अनिता अग्रवालसोबत दुसरे लग्न केले. या लग्नातून त्यांना एक मुलगीही आहे. अनिता अग्रवालपासून घटस्फोट घेतल्यानंतर शार्दुलने 2020 मध्ये अभिनेत्री नेहा पेंडसेसोबत तिसरे लग्न केले. या लग्नाबद्दल बोलताना नेहाने सांगितले होते की, शार्दुलची तिसरी पत्नी झाल्यामुळे ती खूप खूश आहे.

काही लोक नेहाला ट्रोलही करत होते. ट्रोलला उत्तर देताना नेहा पेंडसे म्हणाली होती की, लोकांनी त्यांच्या वैयक्तिक आयुष्याची काळजी घेतली पाहिजे. शार्दुलच्या तीन लग्नांबद्दल बोलणाऱ्यांना "मी देखील वर्जिन नाही" असं नेहा म्हणाली.