कार्तिक आर्यनने 'या' मुलीला दिली अनमोल भेट, पाहून बसेल धक्का...

मुंबई : जेव्हा कधी सिनेमाचं शूटिंग सुरु असतं. त्यावेळी सिनेमाच्या शूटिंगसोबतच शूटिंग पाहाणाऱ्यांची गर्दी असते. बरेच लोक शूटिंग पाहण्यासाठी गर्दी करतात. तर बरेच चाहते त्यांच्या आवडत्या कलाकारांसोबत फोटो काढण्यासाठी येतात. या शूटिंगदरम्यान अशा घटना बऱ्याचदा घडतात. ज्यामुळे स्टार्स आणि आजूबाजूला उपस्थित असलेले लोकही आश्चर्यचकित होतात.

असंच काहीसं अभिनेता कार्तिक आर्यनसोबत घडलं आहे.. कार्तिक आर्यनचा सिनेमा 'सत्यप्रेम की कथा'चं शूटिंग या दिवसात अहमदाबादमध्ये सुरु आहे. या शूटिंग दरम्यान असं काही घडलं ज्यामुळे कार्तिक खूप चर्चत आहे.

टी-शर्ट आता धुणार नाही
अहमदाबादमध्ये शूटिंगदरम्यान त्याची एक गर्ल फॅन त्याला भेटायला आली. तिने आधी कार्तिकसोबत पोज दिली आणि नंतर तिच्या टी-शर्टवर ऑटोग्राफची विनंती केली. कार्तिकने तिला ऑटोग्राफ दिल्यावर ती खूप भावूक झाली. कार्तिकला भेटून मुलीला इतका आनंद झाला की, तिच्या डोळ्यातून अश्रू तरळले.

कार्तिकने जेव्हा त्या मुलीच्या टी-शर्टवर ऑटोग्राफ दिला तेव्हा ती मुलगी खूप भावूक झाली आणि एवढंच म्हणाली की, मी हादरले आहे… मी हा टी-शर्ट कधीच धुणार नाही. त्याच्या चाहत्यांच्या अशा वक्तव्यावर कार्तिक आर्यन म्हणाला की, मी खूप भाग्यवान आहे की, माझे चाहते माझ्यावर इतकं प्रेम करतात. मला या लोकांना गमवायचं नाही. आणि माझ्या चाहत्यांना माझ्यापासून कोणीही हिरावून घेऊ शकत नाही. माझ्यावर प्रेम करणारे हे चाहते मला रातोरात मिळाले नाहीत. यासाठी मी देवाचा खूप आभारी आहे.

View this post on Instagram

या दिवशी सिनेमा होणार रिलीज
समीर संजय विद्वान दिग्दर्शित 'सत्यप्रेम की कथा'मध्ये कार्तिक आर्यनसोबत कियारा आडवाणी मुख्य भूमिकेत आहे.  साजिद नाडियाडवाला सिनेमाचे प्रोड्यूसर आहेत.  हा एक रोमँटिक ड्रामा चित्रपट आहे. यापूर्वी या चित्रपटाचे नाव सत्य नारायण की कथा असं होतं. पण नंतर वाद होऊ नयेत, म्हणून नाव बदलून सत्यप्रेम की कथा असं ठेवण्यात आलं. पुढील वर्षी 29 जून 2023 रोजी हा चित्रपट प्रदर्शित होणार आहे.