अरे बापरे ! आघाडीच्या गायकाने चक्क कपाळात घुसवला 175 कोटींचा हिरा

मुंबई : छंद ही मोठी गोष्ट आहे असे म्हणतात. काहींना वाहनांची तर काहींना प्रवासाची आवड आहे. काहींना पाळीव प्राणी पाळण्याची तर काहींना दागिन्यांची आवड असते. पण एखाद्या व्यक्तीच्या छंदामुळे त्याच्या कपाळावर हिऱ्याची जडणघडण झाली आहे यावर तुमचा विश्वास असेल का? हा छंद ऐकायला विचित्र वाटत असला तरी या छंदामुळे जगभरातील लोक या व्यक्तीला ओळखतात.

या व्यक्तीचे नाव लिल उझी व्हर्ट, पूर्ण नाव - सिमेरे बायसिल वुड. तो एक अमेरिकन गायक आणि रॅपर आहे. जो त्याच्या शो साठी खूप लोकप्रिय आहे. व्हर्ट केवळ त्याच्या रॅपिंगसाठीच नाही तर बॉडी टॅटू, हेअरस्टाइल आणि बॉडी पियर्सिंग यांसारख्या इतर अनेक छंदांसाठीही प्रसिद्ध आहे.

लिल उझी वर्ट याने काही काळापूर्वी कपाळावर एक अतिशय मौल्यवान गुलाबी रंगाचा हिरा बसवण्यात आला आहे. या हिऱ्याची बाजारात किंमत 175 कोटी रुपये म्हणजेच 24 मिलियन डॉलर असल्याचे सांगितले जात आहे.

26 वर्षीय रॅपरने स्वतः एका पोस्टद्वारे याचा खुलासा केला आहे. खरं तर, एका कार्यक्रमादरम्यान त्याच्या चाहत्यांनी गर्दीचा फायदा घेत तो बाहेर काढला तेव्हा त्याने हा खुलासा केला होता.

तो रोलिंग लाऊडमध्ये शो करत असल्याचे त्याने आपल्या पोस्टमध्ये म्हटले आहे. यादरम्यान  गर्दीत गेल्यानंतर त्याचा हिरा लोकांनी काढला होता, पण त्याने नंतर सांगितले की हिरा त्याच्याकडेच आहे.