वक्त आ गया है की.... बिग बींनी आता 'तो' निर्णय घ्यावा; कोणी दिला हा इशारा?

मुंबई : बिग बी अमिताभ बच्चन यांचा नुकताच 79 वा वाढदिवस झाला. 1969 साली ज्येष्ठ अभिनेते अमिताभ बच्चन यांनी अभिनय क्षेत्रात डेब्यू केला. जवळपास 52 वर्षांपूर्वी 'सात हिंदुस्तानी' (Saat Hindustani)या हिंदी सिनेमांतून त्यांनी बॉलिवूडमध्ये पदार्पण केलं. या 52 वर्षांत अमिताभ बच्चन यांनी असंख्य सिनेमे केले. मात्र आता सलमान खानचे वडिल आणि लोकप्रिय लेखक सलीम खान यांना अमिताभ बच्चन यांनी आता निवृत्त व्हायला हवं, असं वाटत आहे. 

सलीम खान आणि अमिताभ बच्चन यांच्या जोडीने एकत्र 10 पेक्षा जास्त चित्रपट केले. अमिताभ बच्चन यांना इंडस्ट्रीमध्ये आणण्याचे आणि त्यांना 'एंग्री यंग मॅन' प्रतिमा देण्याचे श्रेय सलीम खान यांना जाते. पण आता सलीम खानला वाटते की, अमिताभने बरेच काही साध्य केले आहे. आता त्यांनी स्वतःसाठी वेळ काढायला हवा. त्यामुळे त्यांनी निवृत्त व्हावे.

सलीम खान यांनी दिलेल्या मुलाखतीत ही इच्छा व्यक्त केली. सलीम खान म्हणाले की, अमिताभ बच्चन यांना आयुष्यात जे काही साध्य करायचे होते, ते त्यांनी साध्य केले आहे. त्यामुळे आता त्याने स्वतःसाठीही काही वर्षे काढली पाहिजेत. सलीम खान यांनी अमिताभ यांना वाढदिवसाच्या शुभेच्छा देताना पुढे सांगितले की त्यांनी आता निवृत्त व्हावे.

ते म्हणाले, 'सेवानिवृत्तीची व्यवस्था अशी आहे की मनुष्य आपल्या इच्छेनुसार आयुष्यातील काही वर्षे घालवू शकेल. सुरुवातीची वर्षे अभ्यास आणि शिकण्यात घालवली जातात. मग कुटुंब, पत्नी आणि मुलांची जबाबदारी तुमच्यावर येते. फक्त माझे जग पहा. खूप मर्यादित आहे. मी ज्यांच्याबरोबर सकाळी फिरायला जातो ते सर्व लोक चित्रपट नसलेल्या पार्श्वभूमीतून येतात.

पुढे ते म्हणाले की,'व्यक्तीने आपल्या जीवनातील काही काळ हा स्वतःकरता घालवावा. सुरूवातीचा काळ हा शिक्षणात जातो. त्यानंतर कुटुंबाची-संसाराची जबाबदारी. माझंच आयुष्य बघा. खूप मर्यादित आहे. मी ज्या लोकांसोबत सकाळी चालायला जातो. त्यांचा सिनेसृष्टीशी काहीही संबंध नाही.' 

सलिम खान यांनी अमिताभ बच्चन यांच्यासोबत 'जंजीर', 'शोले', 'दीवार', 'मजबूर', 'डॉन', 'त्रिशूल', 'काला पत्थर' आणि 'दोस्ताना' सारख्या सिनेमात काम केलंय.