VIDEO : मुक्ता - सुबोधच्या 'हृद्यांतर' हृदयस्पर्शी ट्रेलर

मुंबई : विक्रम फडणीस दिग्दर्शित 'हृद्यांतर' या चित्रपटाचा ट्रेलर नुकताच प्रदर्शित करण्यात आलाय. 

या ट्रेलरच्या प्रदर्शनासाठी बॉलिवूड अभिनेता हृ़तिक रोशन हा देखील उपस्थित होता. उल्लेखनीय म्हणजे, या मराठी चित्रपटात हृतिकचा देखील एका छोट्या भूमिकेत प्रेक्षकांना दिसणार आहे. 

शेखर जोशी (सुबोध भावे), त्याची पत्नी समायरा जोशी (मुक्ता बर्वे) आणि त्यांच्या दोन मुली नित्या आणि नायशा अशा एका चौकोनी कुटुंबाची ही कथा... 

या चित्रपटाच्या निमित्तानं मुक्ता - सुबोध तब्बल नऊ वर्षानंतर एकत्र पडद्यावर दिसणार आहेत. यापूर्वी 'एक डाव धोबीपछाड' या सिनेमात हे दोघे एकत्र दिसले होते.