ऐश्वर्या, आराध्याला कोविड-१९ झाल्याचं कळताच विवेक ओबेरॉयचं ट्विट

मुंबई : बच्चन कुटुंबियांतील चौघांना कोरोनाची लागण झाली आहे. सुरूवातीला अमिताभ बच्चन आणि अभिषेक बच्चन यांना कोरोनाची लागण झाली. यानंतर ऐश्वर्या आणि आराध्याचे देखील कोरोनाचे रिपोर्ट पॉझिटिव्ह आले. ही माहिती कळताच अभिनेता विवेक ओबेरॉयने बच्चन कुटुंबीय लवकरात लवकर बरे व्हावे यासाठी प्रार्थना करणारे ट्विट केले आहे. 

ऐश्वर्या आणि आराध्याला कोरोनाची लागण झाल्याची माहिती स्वतः अभिषेक बच्चनने आपल्या ट्विटर अकाऊंटवरून दिली. यानंतर अनेक कलाकारांनी बच्चन कुटुंबियांसाठी प्रार्थना केली. यावेळी विवेक ओबेरॉयने देखील ट्विट केलं आहे.  

Our prayers for the well being and quick recovery of the family https://t.co/23BEckqTLa

— Vivek Anand Oberoi (@vivekoberoi) July 12, 2020

ऐश्वर्या आणि विवेक ओबेरॉय यांच एकेकाळी अफेअर होतं. यामुळे आता विवेकने केलेल्या ट्विटमुळे याची जोरदार चर्चा रंगली आहे. विवेक ओबेरॉयने या अगोदर बिग बी आणि ज्युनिअर बच्चन करता देखील ट्विट केलं आहे. या आजारातून लवकर बरे व्हा अशी प्रार्थना करतो अशा आशयाचं ट्विट त्यांनी केलं आहे. 

विवेक आणि ऐश्वर्याने 'क्यूँ हो गया ना' या सिनेमात एकत्र काम केलं आहे. या सिनेमात अमिताभ बच्चन यांनी देखील काम केलं आहे. विवेक आणि ऐश्वर्या याच काळात एकमेकांना डेट करत होते. 

शनिवारी अमिताभ बच्चन आणि अभिषेक बच्चन यांचे कोरोनाचे रिपोर्ट पॉझिटिव्ह आले. त्यानंतर अमिताभ यांना नानावटीत दाखल करण्यात आलं. तर ऐश्वर्या आणि आराध्याला होम क्वारंटाईनच केलं आहे. तसेच बच्चन कुटुंबियांचे चार बंगले देखील कन्टेन्मेंट झोन घोषित केले आहेत.