या 3 भाज्या कच्च्या खाल्ल्याने वाढतात पोटाच्या समस्या, जाणून घ्या कसे करावे सेवन

मुंबई : अनेकदा आपण पाहतो की जीममध्ये जाणाऱ्या लोकांना कच्चे फळे आणि भाज्यांचे सॅलड खाण्याचा सल्ला दिला जातो. सॅलड हे आपल्या आरोग्यासाठी खूप फायदेशीर मानले जाते. पण अशा अनेक भाज्या आणि फळे आहेत, ज्यांचे सेवन केल्याने आपले नुकसान होऊ शकते. आपल्याला अनेक प्रकारच्या आजारांची लागण होऊ शकते. काही कच्च्या भाज्यांचा आपल्या पचनावर गंभीर परिणाम होतो. आपण कोणती फळे आणि भाज्यांचे सेवन करू नये ते जाणून घेऊया.

कोबी आणि ब्रोकोली

कोबी, ब्रोकोली कच्चा खाल्ल्याने पोटात गॅस होऊ शकतो. आजकाल गॅसची समस्या प्रत्येक तिसर्‍या व्यक्तीला होत आहे. त्यातून सुटका करण्यासाठी ते सर्व प्रकारची औषधे घेतात. कोबी, ब्रोकोली हे वनस्पती-आधारित पदार्थ आहेत. ज्यामध्ये फायबरचे प्रमाण जास्त असते. त्यात सेल्युलोज नावाचा एक पदार्थ आढळतो, जो मानव पचवू शकत नाही आणि जेव्हा आपण ते कच्चे सेवन करतो तेव्हा त्याचा आपल्या पचनावर परिणाम होतो आणि आपल्याला गॅसची समस्या होऊ लागते.

मशरूम

मशरूमचा जास्तीत जास्त फायदा घेण्यासाठी, आपण ते नेहमी शिजवून खावे. मशरूमचे सेवन आरोग्यासाठी खूप फायदेशीर मानले जाते. पण ही भाजी कच्ची खाल्ल्यास ती आरोग्यासाठी हानिकारक ठरू शकते. बरेच लोक सलाडच्या रूपात कच्चा खातात. त्यांच्यासाठी पचनसंस्थेशी संबंधित समस्या असू शकतात, जसे की जुलाब, पोटदुखी, उलट्या आणि अशा अनेक समस्यांना सामोरे जावे लागू शकते.

गवार 

गवार शेंगा ही एक प्रकारची भाजी आहे. त्याचे कच्चे सेवन आरोग्यासाठी हानिकारक ठरू शकते. याचे जास्त सेवन केल्याने पोटाचा त्रास होऊ शकतो. यामध्ये फायबरचे प्रमाण जास्त असते. त्यामुळे पोट फुगणे, पेटके येणे, जुलाबाची समस्या होऊ शकते