थंडीत बाईक चालवताना 'या' टिप्स करा फॉलो... थंडीपासून होईल बचाव
आम्ही तुम्हाला दुचाकी चालवताना थंडीपासून बचाव करण्याच्या टिप्स सांगणार आहोत, ज्याचे पालन करून तुम्ही हिवाळ्यातही आरामात बाइक चालवू शकता.
)
Tips to drive bike in winter: थंडीचे दिवस सुरु झाले आहेत. थंडीत त्वचा कोरडी पडते तर काहींचे हातपाय गोठतात. अशा परिस्थितीत वाहन चालवणे हे बहुतांश लोकांसाठी एक आव्हानात्मक काम होते. लोकांना अधिक काळजी घेऊन वाहनं चालवावी लागतात. विशेषतः हिवाळ्यात दुचाकी चालवणे सोपे नसते.
थंड वाऱ्यामुळे अनेकांना हिवाळ्यात खूप त्रास जाणवतो. दुचाकी चालवताना वारा थेट हात, पाय आणि शरीराच्या इतर उघड्या भागांवर आदळतो. त्यामुळे थंडीमुळे तुम्हाला थरकाप तर होतोच शिवाय वाहनाचे ब्रेक लावतानाही खूप त्रास होतो. म्हणूनच आम्ही तुम्हाला दुचाकी चालवताना थंडीपासून बचाव करण्याच्या टिप्स सांगणार आहोत, ज्याचे पालन करून तुम्ही हिवाळ्यातही आरामात बाइक चालवू शकता. (Follow these tips while riding a bike in cold weather It will save you from cold lifestyle nz)
हे ही वाचा - कोरड्या त्वचेपासून सुटका हवीय, 'या' होममेड मॉइश्चराइजर वापरून पाहा
वेग कमी ठेवा
हिवाळ्यात वेगाने वाहन चालवणे टाळणे आवश्यक आहे. अशावेळी दुचाकी चालवताना सरासरी वेग 40-45 च्या दरम्यान ठेवा. त्याचबरोबर थंडीच्या काळात वाहनाच्या गीअर आणि बॅटरीमध्ये धूळ साचते. त्यामुळे बाईक चालवण्यापूर्वी ती नीट स्वच्छ करून घ्या.
आराम करा
थंडीच्या वातावरणात सतत कित्येक तास बाईक चालवल्याने थंडीमुळे शरीर सुन्न होते. अशा स्थितीत दुचाकी चालवताना थोडा वेळ थांबणे चांगले. त्याच वेळी, विश्रांतीच्या वेळी गरम चहा किंवा कॉफी पिऊन, आपण उबदारपणा देखील अनुभवू शकता.
हे ही वाचा - चेहऱ्याची त्वचा काळी पडण्याची समस्या तुम्हाला असल्यास ताबडतोब जाणून घ्या
दुचाकीचे टायर तपासा
थंडीचा परिणाम वाहनांच्या टायरवरही पडतो. त्यामुळे हिवाळ्यात दुचाकीचे टायर थंड होतात. अशावेळी बाईक चालवण्यापूर्वी एक्सलेटर वर-खाली करा. तसेच आठवड्यातून एकदा टायरची हवा तपासायला विसरू नका.
हे ही वाचा - स्किन केअर रूटीनमध्ये किचनमधील या गोष्टीचा समावेश ठरेल फायदेशीर!
थर्मल कपडे घाला
थंडीत शरीर उबदार ठेवण्यासाठी थर्मल कपड्यांचा वापर सर्वोत्तम ठरू शकतो. थर्मल कपडे तुम्हाला थंडीपासून वाचवण्यासाठी तसेच उबदारपणा आणि आराम देण्याचे काम करतात. त्यामुळे थंडीत दुचाकी चालवताना कपड्यांखाली थर्मल कपडे जरूर घाला.
(Disclaimer: वरील माहिती सामान्य ज्ञानावर आधारित आहे. दैनंदिन आयुष्यात याचा वापर करायचा झाल्यास तज्ज्ञांचा सल्ला घ्यावा.)