Running करुन Exercise ची सुरुवात करताय? किती मिनिटे धावणे फायद्याचे?

Running Excercise आरोग्यासाठी सगळ्यात फायदेमंद एक्सरसाइज आहे. हा व्यायाम करण्यासाठी तुम्ही जिममध्ये जाण्याची गरज नाही किंवा विशेष मेहनत घेण्याची गरज नाही. धावणे तुम्ही अगदी बिल्डिंग खाली, रोडवर, पार्कमध्ये देखील करता येते. तसेच धावण्यासाठी कोणताही खर्चा लागत नाही पण शरीराला मात्र असंख्य फायदे होतात. जर तुम्ही देखील रनिंग करणारे बिगिनर असाल तर सुरुवातीला किती वेळ धावणे गरजेचे आहे आणि त्याचे फायदे समजून घ्या. 

धावण्याचे शरीराला होणारे फायदे 

धावण्याने तुमच्या शरीराच्या सर्व अवयवांना फायदा होतो. धावण्याने चयापचय गती वाढते आणि शरीरातील रक्ताभिसरण देखील वाढते. याशिवाय, हृदय आणि यकृत देखील निरोगी असतात याचा तुमच्या त्वचेवर आणि केसांवर जादूचा प्रभाव पडतो.

वजन कमी होते: धावण्याचा व्यायाम तुमचे वजन आणि चरबी कमी करण्यासाठी उपयुक्त आहे. धावण्याने तुमची कमकुवत चयापचय गती वाढते ज्यामुळे पचनक्रिया सुधारते आणि चरबीही वेगाने पचायला लागते त्यामुळे तुमचे वजन वाढत असेल किंवा तुम्हाला लठ्ठपणाचा त्रास होत असेल तर रोज धावणे करा.

शरीर सक्रिय राहते: धावण्यामुळे लोक कमी आळशी होतात आणि दिवसभर उत्साही वाटतात. वास्तविक, अनेक वेळा असे घडते की लोकांना खूप आळशी वाटते. अशा स्थितीत धावल्याने तुम्हाला ऊर्जा मिळते आणि तुम्ही दिवसभर सक्रिय असता.

मानसिक आरोग्यात सुधारणा : आजच्या फास्ट फॉरवर्ड जीवनात माणूस यंत्र बनला आहे. वाढती स्पर्धा आणि कामाचा ताण यामुळे मानसिक आरोग्य बिघडले आहे. अशा परिस्थितीत मानसिक शांती मिळवण्यासाठी धावणे हा एक उत्तम व्यायाम आहे. हे तणाव कमी करते आणि नैराश्याची लक्षणे टाळण्यास मदत करते.

हृदय निरोगी ठेवते: धावण्याने खराब कोलेस्ट्रॉल कमी होते आणि तुमचे हृदय मजबूत होते. याशिवाय, हे हृदयाच्या स्नायूंना निरोगी ठेवते आणि रोगांपासून संरक्षण करते. त्यामुळे धावण्याचा व्यायाम सुरू करून तुम्ही तुमचे हृदय निरोगी ठेवू शकता.

पहिल्या दिवशी किती मिनिटे धावणे आवश्यक आहे?

जर तुम्ही धावण्याचा व्यायाम सुरू करत असाल तर पहिल्या दिवशी दीड ते दोन किलोमीटरच धावले पाहिजे. धावण्याचा व्यायाम करताना, जेव्हा शरीरात एक हालचाल निर्माण होते आणि तुमचा स्टॅमिना देखील वाढू लागतो, तेव्हा तुम्ही तुमचा वेग आणि वेळ वाढवावा.

(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)