डाव्या हाताने काम करणाऱ्या व्यक्तींना हृदय आणि मेंदूच्या आजारांचा धोका जास्त, अभ्यसातून धक्कादायक खुलासा
जर्नल ऑफ पब्लिक हेल्थमधील एका अभ्यासात असे दिसून आले आहे की, उजव्या हाताने काम करणाऱ्या लोकांपेक्षा डावखुऱ्या लोकांना अनेक आजारांचा धोका असतो. डावखुरे लोक हे एकूण लोकसंख्येच्या फक्त 10 टक्के आहेत, हे संशोधन आश्चर्यकारक आहे.
 "डाव्या हाताने काम करणाऱ्या व्यक्तींना हृदय आणि मेंदूच्या आजारांचा धोका जास्त, अभ्यसातून धक्कादायक खुलासा")
माणसाला दोन हात असतात. एकाला प्रायमरी म्हटलं जातं तर दुसऱ्याला सेकंडरी म्हटलं जातं. प्रायमरी म्हणजे उजवा आणि सेकंडरी म्हणजे डावा. उजव्या हाताने आपण अधिक काम आणि मुख्य काम करतो. बहुतेक लोक उजवा हात जास्त आणि डावा हात कमी वापरतात. वर्ल्ड हेल्थ ऑर्गनायझेशनच्या मते, संपूर्ण जगात फक्त 10 टक्के लोक त्यांच्या डाव्या हाताचा वापर लिहिणे, खाणे आणि इतर कामांसाठी करतात. 90 टक्के लोक त्यांचा उजवा हात वापरतात. अलीकडेच उजव्या हाताच्या लोकांवर एक संशोधन करण्यात आले आहे. या लोकांना अनेक आजारांचा धोका जास्त असल्याचे आढळून आले आहे.
जर्नल ऑफ पब्लिक हेल्थमधील एका अभ्यासात असे दिसून आले आहे की, डाव्या हाताच्या लोकांना इतरांपेक्षा काही आरोग्य समस्यांचा धोका जास्त असतो. संशोधकांना त्यांच्या संशोधनात असे आढळून आले आहे की, काही परिस्थितींमध्ये, डाव्या हाताच्या लोकांमध्ये रोगांचे प्रमाण जास्त असते, जरी असे का होते हे स्पष्ट नाही. पण याला अनेक घटक कारणीभूत असू शकतात. त्यातील पहिले कारण म्हणजे अनुवांशिक कारण म्हणजे अनुवांशिक समस्या. याशिवाय ब्रेन कनेक्टिव्हिटी आणि पर्यावरणीय कारणेही यासाठी कारणीभूत ठरू शकतात.
स्तनाच्या कर्करोगाचा धोका जास्त
उजव्या हाताने काम करणाऱ्या महिलांच्या तुलनेत डाव्या हाताने काम करणाऱ्या महिलांना स्तनाच्या कर्करोगाचा धोका जास्त असतो, असे संशोधनात दिसून आले आहे. संशोधकांनी सांगितले की, डाव्या हाताच्या महिलांमध्ये स्तनाचा कर्करोग होण्याचा धोका गर्भधारणेदरम्यान एस्ट्रोजेनच्या वाढत्या संपर्कामुळे असू शकतो. जगभरातील डाव्या हाताच्या महिलांमध्येही कर्करोगाची अधिक प्रकरणे दिसून आली आहेत.
स्किझोफ्रेनिया
या अभ्यासात हे स्पष्ट झाले आहे की, डाव्या हाताच्या लोकांना स्किझोफ्रेनिया (गंभीर मानसिक आजार) होण्याची शक्यता जास्त असते. 2019, 2022 आणि 2024 मध्येही याबाबत अनेक संशोधने झाली आहेत. असे आढळून आले आहे की स्किझोफ्रेनिया हा दोन हाताच्या लोकांमध्ये आणि डाव्या हाताच्या लोकांमध्ये जास्त प्रमाणात असू शकतो.
मानसिक आरोग्य
यासोबतच डाव्या हाताच्या लोकांमध्ये अनेक मानसिक आरोग्य समस्यांचा धोकाही आढळून आला आहे. ज्यामध्ये मूड बदलणे, चिंता, अस्वस्थता, चिडचिड, अस्वस्थता, पोस्ट ट्रॉमॅटिक स्ट्रेस डिसऑर्डर हे उजव्या हाताच्या लोकांच्या तुलनेत जास्त आढळतात. अशा लोकांमध्ये चिंतेची समस्या देखील दिसून येते.
Dakshata Thasale
दक्षता ठसाळे-घोसाळकर या 'झी 24 तास डिजिटल'मध्ये चीफ सब एडिटर म्हणून कार्यरत आहे. यांना पत्रकारिता या क्षेत्रातील 14 वर्षांचा अनुभव आहे. 'प्रहार' आणि 'लोकमत' या आघाडीच्या वृत्तसंस्था आणि 'टीव्ही 9' आणि 'न्यूज एक्सप्रेस मराठी' या आघाडीच्या वृत्तवाहिनीचा अनुभव घेतल्यानंतर डिजीटल क्षेत्रात काम करण्यास सुरुवात केली. 'India.com मराठी' या डिजीटल वेबसाईटमध्ये काम केल्यानंतर 'महाराष्ट्र टाईम्स' च्या ऑनलाईन वेबसाईटसाठी काम केलं. यानंतर 'झी 24 तास डिजीटल'मध्ये विविध विषयांवरील बातम्यांमध्ये योगदान दिलं आहे. यामध्ये Lifestyle, आरोग्य, मनोरंजन यामधील बातम्यांमध्ये हातखंडा असून राज्यस्तरीय घडामोडी, गुन्हे आणि राजकीय घडामोडींमध्ये सर्वात मोठं योगदान आहे. पालकत्व, गर्भधारणा आणि पाककृती यासंदर्भात लेख लिहण्यास विशेष रुची आहे.
...Read More