पुरुषांनाही ब्रेस्ट कॅन्सरचा धोका! 99% पुरुषांना कल्पनाच नसते पण 'या' लक्षणांकडे दुर्लक्ष करु नका

पुरुषांनाही ब्रेस्ट कॅन्सर होतो याची कल्पनाच अनेकांना नसते

Male Breast Cancer: महिलांना स्तनांचा कर्करोग म्हणजेच ब्रेस्ट कॅन्सर होणं हे तशी सामान्य बाब आहे. स्तनांमधील पेशींची गरजेपेक्षा अधिक वाढ होते तेव्हा सामान्यपणे स्तनांच्या कर्करोगाचा धोका असतो असं सांगितलं जात. या पेशींचे ट्यूमर स्तनांमध्ये तयार होतात. मात्र महिलांप्रमाणे पुरुषांनाही ब्रेस्ट कॅन्सर झाल्याचं तुम्ही कधी ऐकलं आहे का? कदाचित हे असलं काही तुम्ही कधीच ऐकलं किंवा वाचलं नसेल. मात्र पुरुषांनाही ब्रेस्ट कॅन्सरचा धोका असतो. युनायटेड किंग्डममधील कार्डिफ येथे राहणाऱ्या माइक रॉसिटर नावाच्या पुरुषाला ब्रेस्ट कॅन्सर झाल्याची माहिती समोर आली आहे.

...अन् ब्रेस्ट कॅन्सर असल्याचं समजलं

स्तनांमध्ये गाठ तयार होईपर्यंत माइक यांना या आजाराबद्दल पुसटशीही कल्पना नव्हती. काही काळानंतर त्यांना छातीजवळ गाठ आल्यासारखं वाटल्याने त्यांनी डॉक्टरांकडे जाऊन तपासणी करुन घेतल्या. आरोग्यासंदर्भातील काही चाचण्या करुन घेतल्यानंतर त्यांना ब्रेस्ट कॅन्सर असल्याचं स्पष्ट झालं.

धावताना समजलं

धावताना अनेकदा त्वचा आणि परिधान केलेल्या कपड्यांमध्ये घर्षण होतं. त्यामुळे स्तनावरील वक्षस्थळाला इजा होते. याला वैद्यकीय भाषेमध्ये रेड इलेव्हन, रावर्स निपल, बिग क्यूएस अशी नावं आहेत. स्तनांमधून रक्तस्राव होतो आणि जखमेचा आकार वाढू लागतो. त्यामुळेच मॅरेथॉन धावणारे खेळाडू छातीवर तसेच त्वचेवर व्हॅसलीन लावून धावतात.

माइक हे 2014 मध्ये मॅरेथॉनच्या प्रशिक्षणादरम्यान छातीवर व्हॅसलिन लावत असताना त्यांना स्तनांजवळ गाठी निर्माण झाल्याचं जाणवलं. माइक यांनी घाबरुन न जाता यासंदर्भात लोकांकडून सल्ले घेतले. बायोप्सीनंतर त्यांना स्तनांचा कर्करोग झाल्यावर शिक्कामोर्तब झालं. हे एक धक्का असला तरी आपण याबद्दल आधी कधीही ऐकलं नव्हतं. त्यामुळे माझ्या यासंदर्भात संमिश्र आणि गोंधळलेल्या भावना होत्या, असं माइक म्हणाले.

पत्नीचा साथ

"नशीबाने माझी पत्नी माझ्यासोबत होती. तिने मला लगेच तुला ब्रेस्ट कॅन्सर झाल्याची शक्यता व्यक्त केल्यानंतर आम्ही चाचण्या करुन घेतल्या. खरं तर पुरुषांनाही ब्रेस्ट कॅन्सर होऊ शकतो याचा अंदाज नव्हता. मला कल्पना आहे की 99 टक्के पुरुषांनाही कल्पना नसेल की त्यांना ब्रेस्ट कॅन्सर होऊ शकतो," असं माइक म्हणाले.

या लक्षणांकडे दुर्लक्ष करु नका

माइक यांच्यावरील उपचार पूर्ण झाले असून त्यांनी कॅन्सरवर मात केली आहे. आता ते ब्रेस्ट कॅन्सरसंदर्भातील जनजागृतीसाठी काम करतात. स्तनांमध्ये गाठ निर्माण होणे, छातीवर पुरळ उठतं (छोट्या पुळ्या येणे,) कधीतरी काखेतही गाठ येते, असं पुरुषांमधील ब्रेस्ट कॅन्सरची लक्षण सांगताना माइक यांनी सांगितलं. असं काहीही असेल तर चाचणी करुन घ्यावी असला सल्ला माइक देतात. ते पुरुषांनी चाचणीनंतर घाबरुन न जाता हिंमत दाखवून प्रसंगाला सामोरे जावं यासाठी प्रोत्साहन देतात. हिंमत दाखवून या आजाराविरोधात लढा देणं गरजेचं आहे असं ते सांगतात.

"तुमच्या कुटुंबामध्ये यापूर्वी कोणाला ब्रेस्ट कॅन्सरचा त्रास झाला असेल तर ही गोष्ट लक्षात ठेवा की तुम्ही जेवढ्या लवकर याचं निदान कराल तेवढं अधिक फायद्याचं ठरेल. हे केवळ ब्रेस्ट कॅन्सरसाठी नाही तर सर्व प्रकारच्या कॅन्सरसाठी लागू होतं," असं माइक म्हणाले. अगदी टेस्टिकल्स कॅन्सरलाही हे लागू होतं अशी माहितीही माइक यांनी दिली.