या शेअरने 1 लाखाचे केले 62 लाख, एका वर्षात 6000 टक्के परतावा दिला, जाणून घ्या कोणती कंपनी

संग्रहित छाया

मुंबई : High Return Stocks in India: वर्ष 2021 मध्ये शेअर बाजारात बरीच चर्चा आहे. कोरोना महामारी दरम्यान बाजाराने विक्रमी उच्चांक गाठला आहे. सेन्सेक्स आज 53300 च्या वर व्यवहार करत आहे. शेअर बाजारात असे काही शेअर आहेत, ज्यांनी यादरम्यान त्यांच्या गुंतवणूकदारांना भरपूर पैसे कमविण्याची संधी दिली आहे. या कंपनीच्या शेअर्सपैकी एक आदित्य व्हिजन लिमिटेड ही कंपनी आहे. आदित्य व्हिजनचा शेअर डिसेंबर 2016 मध्ये बीएसई एसएमईमध्ये लिस्टेड झाला होता.

Aditya Visionच्या शेअरने केले मालामाल

बिहारच्या किरकोळ ग्राहक इलेक्ट्रॉनिक्स क्षेत्रातील आदित्य व्हिजन लिमिटेड या मोठ्या कंपनीनेही गेल्या वर्षात मोठा परतावा दिला आहे.  गेल्या एका वर्षाचा आलेख पाहिला तर या कंपनीच्या शेअरने सातत्याने जास्त परतावा दिला आहे. जुलै 2020 मध्ये हा शेअर 20.60 रुपये होता, तर आज त्याची किंमत 1277 रुपये प्रति शेअर आहे. म्हणजेच, कंपनीचा स्टॉक एका वर्षात 6000 टक्क्यांहून अधिक चढला आहे. गेल्या एका महिन्याबद्दल बोलायचे झाल्यास, त्याचा शेअर 607 रुपयांच्या किंमतीवरून 1277 रुपये प्रति शेअरच्या उंचीवर गेला आहे, म्हणजेच त्याने फक्त एका महिन्यात 110 टक्के परतावा दिला आहे.

1 लाख एका वर्षात झाले 62 लाख रुपये 

जर कोणी जुलै 2020 मध्ये या कंपनीमध्ये 50,000 रुपयांची गुंतवणूक केली असती तर आज त्याची किंमत 30 लाख रुपयांपेक्षा जास्त झाली असती. जुलै 2020 मध्ये, कंपनीचा स्टॉक 20.60 रुपये होता, आज तो 1277 रुपयांच्या वर व्यापार करत आहे. म्हणजेच एका वर्षातच शेअर्सची किंमत 6000 टक्क्यांनी वाढली. जर तुम्ही जुलै 2020 मध्ये 1 लाख रुपये गुंतवले असते तर आज ही रक्कम सुमारे 62 लाख रुपये झाली असती.

कंपनी काय करते

आदित्य व्हिजन लिमिटेड किरकोळ ग्राहक इलेक्ट्रॉनिक्स, घरगुती उपकरणे, कॅमेरे आणि मोबाईलच्या व्यवसायात आहे. कंपनी एक मल्टी-ब्रँड, मल्टी-प्रोडक्ट रिटेल चेन आहे, ज्यामध्ये ग्राहकोपयोगी टिकाऊ वस्तू, एअर कंडिशनर, टेलिव्हिजन, वॉशिंग मशीन, मायक्रोवेव्ह आणि रेफ्रिजरेटर्स आहेत. कंपनी लहान घरगुती उपकरणे, होम थिएटर सिस्टीम आणि मोबाईल देखील विकते. कंपनीने एप्रिलमध्ये बीएसईला त्याच्या विस्तार योजनांची माहिती दिली होती. बिहारमध्ये कंपनीचा विस्तार होत आहे.

लक्षात ठेवा की, 'झी 24तास' कोणत्याही शेअरमध्ये गुंतवणुकीसंदर्भात सल्ला देत नाही. ही फक्त एक माहिती आहे. जी तुम्हाला संशोधनाद्वारे दिली जात आहे. तुम्ही गुंतवणुकीसंदर्भात कोणताही निर्णय फक्त तुमच्या गुंतवणूक सल्लागाराच्या सल्ल्याने घ्यावा.