मोदी सरकारमधील हे मंत्री विरोधी पक्ष आणि तरुण मतदारांमध्ये अधिक लोकप्रिय

नवी दिल्ली : पंतप्रधान नरेंद्र मोदी यांच्या नेतृत्वाखालील NDA सरकारला 8 वर्षे पूर्ण झाल्याच्या निमित्ताने हे सर्वेक्षण करण्यात आले होते. या सर्वेक्षणानुसार केंद्रीय क्रीडा मंत्री अनुराग ठाकूर 6.75 गुणांसह नरेंद्र मोदी मंत्रिमंडळात सहाव्या क्रमांकावर आहेत.

18 ते 24 वयोगटातील लोकांमध्येही ठाकूर लोकप्रिय असल्याचे सर्वेक्षणातून पुढे आले आहे. या वयोगटात क्रीडामंत्र्यांनी 6.62 गुण मिळवले असून ते तिसऱ्या क्रमांकावर आहेत.

अनुराग ठाकूर यांच्याकडे केंद्रीय माहिती आणि प्रसारण मंत्रीपदही आहे. हिमाचल प्रदेशातील हमीरपूर येथून ते चौथ्यांदा खासदार आहेत. त्यांनी यापूर्वी 31 मे 2019 ते 7 जुलै 2021 या कालावधीत अर्थ आणि कॉर्पोरेट व्यवहार राज्यमंत्री म्हणून काम पाहिले आहे.

केंद्रीय क्रीडामंत्र्यांच्या कामगिरीचे खूप कौतुक झाले आहे. शनिवारी सावित्रीबाई फुले पुणे विद्यापीठाच्या क्रीडा संकुलाचे उद्घाटन करताना ठाकूर यांनी युवकांना राष्ट्रीय आणि आंतरराष्ट्रीय स्पर्धांमध्ये स्पर्धा आणि उत्कृष्ट कामगिरी करता यावी यासाठी देशातील क्रीडा पायाभूत सुविधांच्या विकासावर सर्व स्तरांवर भर दिला.

अनुराग ठाकूर म्हणाले की, देशात जागतिक दर्जाच्या क्रीडा पायाभूत सुविधा निर्माण करण्यासाठी केंद्र, राज्ये, विद्यापीठे, क्रीडा महासंघ आणि कॉर्पोरेट्स यांनी एकत्र आले पाहिजे.'