शरीरावर टॅटू आहे? मग 'या' सरकारी विभागात नोकरी मिळणे अशक्य

Tattoo and Government Job: शरीरावर टॅटू असेल तर सरकारी नोकरी गमवावी लागू शकते का? जाणून घ्या या प्रश्नाचे उत्तर 

मानसी क्षीरसागर | Updated: Oct 18, 2023, 06:17 PM IST
शरीरावर टॅटू आहे? मग 'या' सरकारी विभागात नोकरी मिळणे अशक्य
Are permanent tattoos allowed in government jobs in marathi

Tattoo and Government Job: टॅटू हे एक फॅशन स्टेटमेंट आहे. तरुणाईसोबतच आता पौढांनाही टॅटूचे वेड लावले आहे. अनेकजण आपल्या आयुष्यातील खास क्षणांचे टॅटू काढून घेतात. पण बऱ्याचदा असा सवाल उपस्थित होतो की, टॅटू काढलेला असताना सरकारी नोकरी मिळते का? किंवा सरकारी नोकरी करत असताना टॅटू काढण्याची परवानगी देण्यात येते का? असे अनेक प्रश्न मनात घोळत असतात. तर, आज या प्रश्नाचे उत्तर जाणून घेऊया. जाणून घेऊया अशा कोणत्या नोकऱ्या आहेत जिथे शरीरावर टॅटू गोंदवला असेल तर नोकरी मिळणे अवघड होऊन बसते. 

Add Zee News as a Preferred Source

या नोकऱ्यांमध्ये टॅटू काढण्यास मनाई

भारतातील असे काही कार्यालय व पदे आहेत त्यावर कार्यरत असताना टॅटू काढण्यास मनाई केली आहे. त्याची यादी पुढील प्रमाणे, भारतीय प्रशासकीय सेवा, भारतीय पोलीस सेवा, भारतीय महसूल सेवा, भारतीय परराष्ट्र सेवा, भारतीय हवाई दल, भारतीय तटरक्षक दल, भारतीय सेना, भारतीय नौदल, पोलीस. जर तुम्हाला यापैकी कोणत्या क्षेत्रात जायचे असेल तर टॅटू काढू नका किंवा आधीच टॅटू काढला असेल तर लेझरच्या मदतीने काढून टाका. 

ट्रायबल कम्युनिटी

काही नोकऱ्यांमध्ये जर उमेदवार आदिवासी समुदायातील असेल तर टॅटू काढण्याची परवानगी असते. पण तो टॅटू लहान असावा आणि समाजाशी संबंधित असेल तरच त्याची परवानगी देण्यात येते. जर टॅटू फॅशनेबल असेल किंवा कोणाच्या भावना दुखावणारे असतील तर त्याला परवानगी मिळत आहे. 

बहुंताश ठिकाणी टॅटूसंदर्भात पॉलिसी असेल आणि उमेदवार नोकरीसाठी गेला तर अशावेळी त्याला नोकरी मिळण्यास अडचण येते. यात एअरफोर्स, इंडियन नेव्ही, कोस्ट गार्ड, डिफेंन्समध्ये शरीरावर कुठेही टॅटू असेल तरीदेखील नोकरी मिळत नाही. 

या क्षेत्रातही नाही मिळत नोकरी

आरोग्यसेवा, कायदेसंस्था, प्रशासकीय सहाय्यक, वित्तीय संस्था, शिक्षक, बँका ही अशी काही क्षेत्रे आहेत जिथे टॅटू असलेल्या लोकांना एकतर नोकरी मिळत नाही किंवा मोठ्या अडचणीने निर्माण होतात.

About the Author

Mansi kshirsagar

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 9 वर्षांचा अनुभव आहे. महाराष्ट्रा टाइम डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि अर्थ (infrastructure) या विषयात विशेष रुची आहे. त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड. इन्फ्रास्ट्रक्चर आणि गुन्हे या बातम्यांमध्ये हातखंडा.

...Read More