1 ऑक्टोबरपासून बंद होणार या बँकेचे ATM, ग्राहकांना मिळणार याबाबतीत सूट
ATM बंद होत असल्याने इतर बँकेच्या एटीएम मधून काढता येणार पैसे
)
मुंबई : सूर्योदय स्मॉल फायनान्स बँक आपली एटीएम सेवा 1 ऑक्टोबरपासून बंद करणार आहे. यानंतर या बँकेचे ATM कार्ड वापरणाऱ्यांना बँकेचे मशीन वापरावे लागणार आहे.
मीडिया रिपोर्टनुसार, बँकेचे एमडी (Suryoday Small Finance Bank) आर भास्कर बाबू यांनी एटीएम सेवा बंद करत असल्याची माहिती दिली आहे. एमडी म्हणाले की, अंतर्गत मूल्यांकनात असे दिसून आले की बँकेचे अधिक ग्राहक आता एटीएम वापरत नाहीत. यामुळे बँकेचा नफा वाढत नाही. त्यामुळे हे सर्व एटीएम बंद करावा असा निर्णय घेण्यात आला आहे.
बँक व्यवस्थापनाने सांगितले की यामुळे ग्राहकांना त्यांचे डेबिट कार्ड इतर बँकांच्या एटीएममध्ये वापरण्याचा पर्याय मिळेल. यासाठी त्यांच्या ग्राहकांकडून कोणतेही अतिरिक्त शुल्क घेतले जाणार नाही. ते सूर्योदय बँकेच्या डेबिट कार्डद्वारे कोणत्याही एटीएममधून पैसे काढू शकतील.
इंटरनेट आणि मोबाईल बँकिंग वापरण्यास सक्षम
बँक व्यवस्थापनाने सांगितले की ग्राहक इंटरनेट बँकिंग आणि मोबाईल बँकिंगचा वापर करू शकतात. यावर कोणतेही बंधन नाही. यासह, मिनी स्टेटमेंट, बॅलन्स इन्क्वायरी, पिन जनरेशन, फंड ट्रान्सफर सारखी कार्ये इंटरनेट बँकिंग आणि मोबाईल बँकिंगद्वारे देखील उपलब्ध होतील.