या बँकेचे ATM 1 ऑक्टोबरपासून होणार बंद, पण ग्राहकांना 'या' सुविधेचा मोफत लाभ

मुंबई : लघु वित्त बँक सूर्योदय स्मॉल फायनान्स बँकेच्या ग्राहकांसाठी मोठी बातमी आहे. सूर्योदय स्मॉल फायनान्स बँक 1 ऑक्टोबरपासून एटीएम सेवा बंद करणार आहे. बँकेने म्हटले आहे की, ते ग्राहकांना त्यांचे डेबिट कार्ड इतर बँकांच्या एटीएममध्ये वापरण्याचा पर्याय देईल. 1 ऑक्टोबरपासून ते त्यांचे एटीएम बंद करणार आहे. बँकेने म्हटले आहे की, ऑपरेशनल समस्यांमुळे, सूर्योदय बँकेचे एटीएम 1 ऑक्टोबरपासून काम करणार नाहीत.

परंतु बँकेने दिलेल्या माहितीनुसार तुम्ही सूर्योदय बँकेच्या एटीएम / डेबिट कार्डचा वापर तुमच्या इतर कोणत्याही बँकेच्या एटीएममधून पैसे काढण्यासाठी वापरु शकता.

30 जूनपर्यंत, सूर्योदय एसएफबीकडे एकूण 555 बँकिंग आउटलेट होते, त्यापैकी 97 लायबिलिटी फोकस आउटलेट होते आणि 30 जून रोजी एकूण कर्मचारी संख्या 5 हजार 72 होती.

इंटरनेट बँकिंग सेवा सुरू राहील

बँकेने सांगितले की, इतर बँकिंग सेवांसाठी ग्राहक इंटरनेट बँकिंग आणि मोबाईल बँकिंगचा वापर करू शकतात. पिन बनवणे, निधी हस्तांतरण, मिनी स्टेटमेंट, अकाउंट बॅलेंस चौकशी इत्यादी इंटरनेट बँकिंग आणि मोबाईल बँकिंगद्वारे उपलब्ध होतील. फक्त त्यांचे एटीएम बंद होणार आहे.

बँकेची वाढ 13.3 टक्क्यांनी वाढून 4 हजार 004 कोटी रुपये झाली आहे, तर ठेवी दरवर्षी 15.6 टक्क्यांनी वाढून 3 हजार 317 कोटी रुपये झाली आहे.

इतर बँकेच्या एटीएममधून ग्राहकांना मोफत व्यवहार

सूर्योदय स्मॉल फायनान्स बँकेचे एमडी आर भास्कर बाबू म्हणाले की, आम्हाला समजले की बरेच ग्राहक आमचे एटीएम वापरत नाहीत, म्हणून आम्ही ठरवले की या मशीन चालू ठेवण्याऐवजी आम्ही ग्राहकांना इतर बँकेच्या एटीएममध्ये मोफत व्यवहार देत आहोत. जेणे करुन आमचाही खर्च वाचेल आणि ग्राहकांनाही त्याच्या फायदा होईल.

ते म्हणाले की त्यांच्या बँकेसोबत रोख व्यवहारांचे प्रमाण खूपच कमी आहे. कारण यूपीआयच्या वाढीमुळे कोणीही एटीएममध्ये पैसे काढण्यासाठी जात नाही. अहवालानुसार, सावकार आता दरमहा 5-7 मोफत व्यवहार करण्याची रणनीती आखत आहेत, जिथे त्यांना इतर बँकांचे एटीएम वापरण्याची परवानगी असेल.