दिल्ली विधानसभा निवडणुकीचे बिगुल वाजले; ८ फेब्रुवारीला मतदान
दिल्लीची यंदाची विधानसभा निवडणूक अनेक अर्थांनी लक्षणीय ठरणार आहे.
)
नवी दिल्ली: केंद्रीय निवडणूक आयोगाकडून सोमवारी दिल्ली विधानसभा निवडणुकीचा कार्यक्रम जाहीर करण्यात आला. त्यानुसार ८ फेब्रुवारीला विधानसभा निवडणुकीसाठी मतदान होईल. तर ११ तारखेला निवडणुकीचा निकाल जाहीर होईल. मुख्य निवडणूक आयुक्त सुनील अरोरा यांनी दिल्लीत घेतलेल्या पत्रकार परिषदेत यासंदर्भातील माहिती दिली. ७० मतदारसंघ असलेल्या दिल्ली विधानसभेची मुदत २२ फेब्रुवारीला संपुष्टात येत आहे. आज निवडणुकीचा कार्यक्रम जाहीर झाल्यानंतर दिल्लीत निवडणुकीची आचारसंहिता लागू झाली आहे. दिल्लीत १.४६ कोटी मतदार आहेत. त्यासाठी १३,७५० मतदान केंद्रे उभारण्यात येतील. १४ जानेवारीला निवडणुकीची अधिसूचना काढण्यात येईल. उमेदवारी अर्ज दाखल करण्याची अंतिम तारीख २१ जानेवारी असेल. २२ जानेवारीपर्यंत या अर्जांची छाननी होईल. तर उमेदवारी अर्ज मागे घेण्याची मुदत २४ जानेवारी असेल.
महाराष्ट्रातील 'या' काँग्रेस नेत्यावर मोठी जबाबदारी; दिल्ली विधानसभेचे उमेदवार ठरवणार
Chief Election Commissioner Sunil Arora on Delhi assembly elections: Date of poll is 8th February, 2020 and counting of votes will take place on 11th February. pic.twitter.com/1mv9Sa59ep
— ANI (@ANI) January 6, 2020
CEC: New concept of absentee voters introduced,enables those voters to take part in polls who are not able to come to polling stations due to physical circumstances or unavoidable reasons. PWDs & Sr citizens above 80 yrs can either vote in person or vote through postal ballot https://t.co/bjc8itbo35
— ANI (@ANI) January 6, 2020
दिल्लीची यंदाची विधानसभा निवडणूक अनेक अर्थांनी लक्षणीय ठरणार आहे. महाराष्ट्र, हरियाणा आणि झारखंडमध्ये भाजपला बसलेल्या धक्क्यानंतर दिल्लीत काय घडणार याची उत्सुकता सर्वांना लागली आहे. या निवडणुकीत मुख्य लढत ही आम आदमी पक्ष (आप) आणि भाजपमध्ये रंगण्याची चिन्हे आहेत.
दिल्ली विधानसभेच्या ७० जागा असून गेल्या निवडणुकीत दिल्लीत काँग्रेसला खातेही उघडता आले नव्हते. त्यामुळे यंदा काँग्रेसच्यादृष्टीने उमेदवारांची निवड अत्यंत महत्वपूर्ण ठरणार आहे. गेल्यावेळच्या तुलनेत काँग्रेसला अधिक संधी असली तरी त्यांच्यासमोर अरविंद केजरीवाल यांच्या आम आदमी पक्षाचे आव्हान असेल. २०१४ मध्ये 'आप'ने जोरदार मुसंडी मारत ६७ जागा जिंकल्या होत्या. तर तीन जागांवर भाजपचे उमेदवार निवडून आले होते.