Gen Z मध्ये 'या' नव्या नोकऱ्यांची क्रेझ; स्वप्न पूर्ण करण्यासाठीछंद सोडायलाही तयार; 9 गोष्टी युवांसाठी महत्त्वाच्या

आजची युवा पिढी आणि खास करून Gen Z देशाचा भार उचलण्यासाठी तयार आहे. करिअर आणि अभ्यासाबद्दल "The Quest Report 2024" एक रिपोर्ट तयार केला आहे. यामध्ये आजच्या तरुण पिढीचा कल कशामध्ये आहे याबाबत माहिती दिली आहे. रिपोर्टनुसार, आजच्या तरुण पिढीला आकर्षित करणाऱ्या काही नोकऱ्या आहेत ज्या आताच उदयास आल्या आहेत. जसे की, आर्टिफिशयल इंटेलिजन्स (AI) सायबर सुरक्षा, कॉन्टेंट क्रिएशन यासारख्या नोकऱ्यांचा यामध्ये समावेश आहे. 

भारतातील तरुण पिढी ही फक्त मेहनतीच नाही तर आत्मविश्वासू देखील आहे. पैशाची कमतरता आणि मुलगा-मुलगी अशा भेद यासारख्या परिस्थितींनी आजची पिढी देखील तोंड देताना दिसत आहे. आजची पिढी आपल्या स्वप्नांना पूर्ण करण्यासाठी हवी तेवढी मेहनत करायला तयार आहे. रिपोर्टनुसार, आताची युवा पिढी इतकी उत्कट आहे की, 43% मुलं आपली स्वप्न पूर्ण करताना करावी लागणारे मेहनत आणि तडजोड याचा विचार करुनच ही गोष्ट अर्धवट सोडतात. 

रिपोर्टचे तीन टप्पे

Gen Z स्वप्न पूर्ण करण्याची इच्छा णि प्रेरणा ठेवतात. यामध्ये आजची युवा पिढी आपले स्वप्न आणि इच्छा पूर्ण करण्यासाठी किती मेहनती आहेत याचा उल्लेख केला आहे. 

स्वप्न पूर्ण करण्यासाठी येणारे अडथळे. तरुण पिढी आपल्या स्वप्नांच्या मागे झपाट्याने लागली आहे. असं असताना त्यांना अनेक अडथळ्यांना सामोरे जावे लागत आहे. 

करिअरमध्ये ऑप्शन. या भागात रिपोर्टमध्ये करिअरच्या वेगवेगळ्या पर्यायांवर चर्चा केली आहे. जे पर्याय आजच्या तरुण पिढीला आकर्षित करत आहेत. 

रिपोर्टमधील महत्त्वाच्या गोष्टी 

स्वप्नांचा पाठलाग करणे: 91% तरुणांचा असा विश्वास आहे की, एक वर्षाचा गॅप घेतल्याने त्यांची स्वप्ने पूर्ण करण्यात मदत होईल.

नवीन नोकऱ्या: 25% तरुणांना डेटा विश्लेषण, AI, सायबर सुरक्षा आणि सामग्री तयार करणे यासारख्या नवीन नोकऱ्यांमध्ये रस आहे.

मोठ्या कंपन्यांवर विश्वास : 19% भारतीय तरुणांना मोठ्या कंपन्यांमध्ये त्यांच्या करिअरची प्रगती पहायची आहे. बड्या कंपन्यांमध्येच वाढ होईल, असा त्यांचा विश्वास आहे.

पैशाची समस्या: 46% तरुणांसाठी पैशांची कमतरता हा सर्वात मोठा अडथळा आहे, तरीही 90% पेक्षा जास्त तरुणांना त्यांची स्वप्ने पूर्ण करण्याचा विश्वास आहे.

लैंगिक असमानता: 10 पैकी 8 तरुणांना वाटते की मुलगा आणि मुलगी यांच्यातील समानतेचा अभाव हे सर्वात मोठे आव्हान आहे.

स्वतःचा व्यवसाय: केवळ 9% तरुणांना स्वतःचा व्यवसाय सुरू करायचा आहे. इतरांना रोजगाराची कायमची शिडी चढायला आवडते.

कष्टाळू तरुण: भारतीय तरुण त्यांच्या समवयस्कांपेक्षा अधिक मेहनत करतात आणि पुढे जाण्याचा प्रयत्न करतात.

गुरूंचे महत्त्व: 49% तरुणांना असे वाटते की, जाणकारांची मदत घेणे खूप फायदेशीर आहे. 

छंद सोडण्यास तयार: देशातील 43% तरुण आपल्या करिअरमध्ये यशस्वी होण्यासाठी काम आणि जीवन यांच्यातील संतुलन सोडण्यास तयार आहेत.