रेल्वेची नवीन सुविधा! आता लहान बाळांसाठीही बर्थ मिळणार

मुंबई : Indian Railway Lower berth  : जर तुम्ही भारतीय रेल्वेमध्ये लहान बाळासोबत प्रवास करत असाल तर तुम्हाला त्यांना त्यांच्या स्वतःच्या बर्थवर एडजस्ट करावे लागते. मात्र आता रेल्वेच्या खालच्या बर्थमध्ये काही बदल करून रेल्वेने या समस्येवर तोडगा काढला आहे. भारतीय रेल्वेने मातृदिनाच्या दिवशी एक प्रयोग म्हणून याची सुरुवात केली आहे.

लखनौ विभागाचा नवीन उपक्रम

प्रवाशांच्या सोयीसाठी उत्तर रेल्वेच्या लखनौ विभागाने याची सुरुवात केली होती. वास्तविक ट्रेनच्या खालच्या बर्थवर एक छोटी सीट जोडण्यात आली आहे, ज्याला बेबी बर्थ असे नाव देण्यात आले आहे.

लहान मुलांच्या मातांसाठी आनंदाची बातमी

लहान मुलांसोबत प्रवास करणाऱ्या मातांसाठी हे आसन खूप फायदेशीर ठरू शकते. मुलाच्या सुरक्षेसाठीही विशेष काळजी घेण्यात आली आहे.

मुलाच्या झोपेची विशेष काळजी 

झोपताना मूल पडू नये म्हणून त्यात स्टॉपरही देण्यात आला आहे. तुम्ही तुमचा बर्थ वापरात नसताना फोल्ड करून सामान्य सीटमध्ये बदलू शकता. मात्र, सध्या ते लखनऊ मेलच्या एका डब्याच्या दोनच सीटवर बसवण्यात आले आहे.

सोशल मीडियावर युजर्सचा प्रतिक्रिया

ट्विटरवर लोक या उपक्रमाबद्दल भरभरून प्रतिक्रिया देत आहेत. काही लोक त्याचे कौतुक करत आहेत तर काही सल्ले देत आहेत. रिचा चौधरी नावाच्या युजरने लिहिले की, सर्व ट्रेनमध्ये बेबी बर्थ लावण्याचा सल्ला दिला आहे, एक आई म्हणून तिलाही आपल्या मुलासोबत प्रवास करताना आरामदायी वाटावे असे वाटते.

छबी नावाच्या ट्विटर हँडलवरून केलेल्या ट्विटमध्ये रेल्वेला बेबी बर्थची लांबी वाढवण्याचा सल्ला देण्यात आला होता. एका व्यक्तीने बेबी सीटला 'अप्रतिम' म्हटले.