National Pension Scheme | जॉब असो की नसो; पेन्शन मिळणार फिक्स; जाणून घ्या कसे?

मुंबई : जर तुम्हाला तुमच्या म्हातारपणाची काळजी असेल तर ही बातमी  तुमच्यासाठी आहे. आता तुम्हाला काळजी करण्याची गरज नाही. तुम्हाला सेवानिवृत्तीसाठी गुंतवणूक करायची असेल तर राष्ट्रीय पेन्शन योजना तुमच्यासाठी एक उत्तम पर्याय आहे. (National Pension Scheme)

जर तुम्ही नोकरी सुरू करताच नॅशनल पेन्शन स्कीममध्ये गुंतवणूक करण्यास सुरुवात केली, तर निवृत्तीच्या वेळी तुमच्याकडे 34 लाख रुपयांपर्यंतचा मोठा निधी असेल. यासाठी तुम्हाला जास्त गुंतवणुकीची गरज नाही, दररोज फक्त 50 रुपये गुंतवा. योजनेबद्दल सविस्तर माहिती घ्या.

असे उघडा खाते

या योजनेत गुंतवणुकीवर परतावा अपेक्षित आहे. परताव्यावरील व्याज दर 9 ते 12 टक्क्यांपर्यंत असतो. नॅशनल पेन्शन सिस्टम अंतर्गत 4 सेक्टर आहेत, ज्याद्वारे तुम्ही तुमचे खाते उघडू शकता.

केंद्र सरकार - हे केंद्र सरकारच्या कर्मचाऱ्यांसाठी आहे. 

राज्य सरकार - हे राज्य सरकारी कर्मचाऱ्यांसाठी आहे. 

कॉर्पोरेट क्षेत्र - हे खाजगी क्षेत्राशी संबंधित कर्मचार्‍यांसाठी आहे. 

ऑल सिटिझन मॉडेल - यामध्ये तुम्ही तुमचे स्वतःचे एनपीएस खाते उघडू शकता.

50 रुपयांच्या रोजच्या गुंतवणुकीवर 34 लाख रुपयांचा परतावा

1. गुंतवणूक सुरू करण्याचे वय - 25 वर्षे 
2. NPS मधील मासिक गुंतवणूक - 1,500 रुपये 
3. गुंतवणुकीची वेळ - 35 वर्षे 
4. 35 वर्षांत गुंतवलेले एकूण पैसे - 6.30 लाख 
5. गुंतवणूकीच्या रकमेवर मिळालेले एकूण व्याज - 27.9 लाख 
6 एकूण ठेव पेन्शनच्या वेळी - 34.19 लाख 
7. या अंतर्गत एकूण कर बचत - 1.89 लाख

निवृत्तीच्या वेळी किती रक्कम मिळेल?

या योजनेत गुंतवणूक केल्यानंतर, तुम्ही सेवानिवृत्तीच्या वयात आल्यावर, तुम्ही तुमच्या गुंतवणुकीच्या 60 टक्के रक्कम काढू शकता. म्हणजेच, तुम्ही निवृत्तीच्या वेळी 20.51 लाख रुपये काढू शकता. अशा प्रकारे, ही योजना तुम्हाला चांगला परतावा देऊ शकते.

तुम्हाला किती व्याज मिळेल?

यानंतर, उर्वरित रक्कम वार्षिकी योजनेअंतर्गत दरमहा निश्चित पेन्शनसाठी वापरली जाऊ शकते. 8 टक्के व्याज सरकारने दिले तर तुम्हाला दरमहा 9,000 पेन्शन मिळू शकते. राष्ट्रीय पेन्शन योजनेतून एकाच वेळी पैसे काढता येत नाहीत. या योजनेअंतर्गत, तुम्ही फक्त 60 टक्के रक्कम काढू शकता आणि उर्वरित 40 टक्के रक्कम तुम्हाला वार्षिक योजनेत गुंतवावी लागेल.