PFRDA च्या नव्या सुविधेचा लाभ घ्या आणि 10 हजार रुपये मिळवा ... वाचा

NPS Account : नॅशनल पेन्शन सिस्टमसाठी  (NPS) अकाउंट उघडण्याच्या नियमांमध्ये मोठा बदल करण्यात आला आहे. आता NPS साठी अकाउंट उघडण्याची सुविधा देणाऱ्या पीओपीला (PoP) सप्टेंबरपासून कमिशन मिळणार आहे. 1 सप्टेंबरपासून लागू होणाऱ्या या योजनेत पीओपींना किमान 15 रुपये आणि कमाल 10 हजार रुपये मिळणार आहेत. हे कमिशन पीओपीला तेव्हाच मिळणार आहे, जेव्हा शेअरहोल्डर 'ऑल सिटिजन मॉडल' अंतर्गत त्यांच्या खात्यातून पैसे थेट संबंधित संस्थेला पाठवण्याचा पर्याय निवडतील.

पीएफआरडीएच्या हालचालीमुळे पीओपीला चालना मिळेल

एनपीएस खाती उघडण्यासाठी पॉइंट ऑफ प्रेझेन्स (PoP) सुविधा देणार्‍यांना नुकसान भरपाई देण्याच्या उद्देशाने हे पाऊल उचलण्यात आलं आहे, ज्यांना शुल्कापोटी नुकसान होत आहे. पीओपीमध्ये बँका, एनबीएफसी आणि इतर संस्थांचा समावेश होतो. ते NPS अंतर्गत रज‍िस्‍ट्रेशनसोबत शेअरहोल्डर्सना संबंधित सेवा प्रदान करतात. पेन्शन फंड रेग्युलेटरी अँड डेव्हलपमेंट अथॉरिटीने (PFRDA) म्हटलंय की, या निर्णयामुळे पीओपींना चालना मिळेल कारण ते एनपीएस खाते उघडण्याचा प्रयत्न करतात.

गुंतवलेल्या रकमेवर 0.20 टक्के कमिशन

PFRDA ने जारी केलेल्या माहितीनुसार, NPS च्या विस्ताराच्या प्रयत्नांना पाठिंबा देण्यासाठी 1 सप्टेंबर 2022 पासून निश्चित कालावधीत कमिशन देण्याचा निर्णय घेण्यात आला आहे. पेन्शन नियामकाने असं म्हटलं आहे की, एनपीएसमध्ये योगदानासाठी बँक खात्यातून थेट पैसे संबंधित एजन्सीकडे हस्तांतरित करणं हे ई-एनपीएससारखं आहे. यावरील कमिशन संबंधित पीओपीला देण्यात येणार आहे. थेट हस्तांतरणावर निश्चित कालावधीसाठी पीओपीला दिलं जाणारं कमिशन योगदान रकमेच्या 0.20 टक्के असेल.

किमान कमिशन रक्कम 15 रुपये असेल

हे कमिशन किमान 15 रुपये आणि जास्तीत जास्त 10 हजार रुपयांच असेल. हे कमिशन ग्राहकाकडून त्यांनी गुंतवलेल्या युनिट्सची संख्या वजा केल्यानंतर ठराविक अंतराने आकारलं जाईल. थेट संबंधित एजन्सीकडे निधी हस्तांतरित करण्याची सुविधा ग्राहक-केंद्रित दृष्टिकोन म्हणून सुरू करण्यात आली आहे. जर ट्रस्टी बँकेला सकाळी 9.30 च्या आधी योगदानाची रक्कम मिळाली, तर ती त्याच दिवशी नेट अॅसेट व्हॅल्यू (NAV) ऑफर करून ग्राहकांच्या गुंतवणुकीचा परतावा इष्टतम करते.