पंतप्रधान मोदींची सर्वाधित कोरोना प्रभावित ८ राज्यांच्या मुख्यमंत्र्यांसोबत उद्या बैठक

नवी दिल्ली : देशातील काही राज्यात कोरोना रुग्णांची संख्या पुन्हा वाढत आहे. अशा परिस्थितीत पंतप्रधान नरेंद्र मोदी 24 नोव्हेंबरला कोरोनामुळे सर्वाधिक प्रभावित झालेल्या 8 राज्यांच्या मुख्यमंत्र्यांसोबत बैठक घेणार आहेत. सकाळी 10 वाजता व्हिडिओ कॉन्फरन्सिंगद्वारे ही बैठक होणार आहे. यानंतर, उर्वरित राज्यांचे मुख्यमंत्री दुपारी 12 वाजेपासून पंतप्रधानांच्या या महत्त्वपूर्ण बैठकीत सामील होतील. मिळालेल्या माहितीनुसार कोरोनाच्या सद्यस्थितीचा आढावा आणि कोरोना लस देण्याच्या रणनीतीवरही या बैठकीत चर्चा होऊ शकेल.

पंतप्रधान मोदींनी कोरोनामधील परिस्थितीचा आढावा घेण्यासाठी आतापर्यंत अनेकदा राज्यांच्या मुख्यमंत्र्यांसोबत बैठक घेतल्या आहेत. गेल्या काही दिवसांपासून देशभरात दररोज वाढणाऱ्या कोरोना रुग्णांची संख्या 50 हजाराच्या खाली आली आहे. त्याचबरोबर काही राज्यांमध्ये प्रकरणे झपाट्याने वाढली आहेत. काही शहरांमध्ये नाईट कर्फ्यू देखील लागू करण्यात आला आहे.

वास्तविक, कोरोनाच्या वाढत्या घटनांमध्ये, प्रत्येकजण आतुरतेने लसची वाट पाहत आहे. अशा परिस्थितीत कोविड -१९ लस प्रथम कोणाला मिळणार असा प्रश्न उपस्थित होत आहे. यावर नीती आयोग प्राथमिक रणनीती तयार करत आहे. नीती आयोग सदस्य डॉ. व्ही.के. पॉल म्हणाले की, पहिल्या टप्प्यात 1 कोटी आरोग्यसेवक आणि अग्रभागी राहणाऱ्या कामगारांना प्राधान्य दिले जाईल.

केंद्राकडून सतत प्रयत्न केले जात आहेत की, जेव्हा कोरोना लस उपलब्ध होईल तेव्हा त्याची योग्य व्यवस्था केली जाईल. भारतात सध्या पाच लसींची तयारी होत आहे. त्यापैकी चार लसीची तपासणी दुसर्‍या किंवा तिसर्‍या टप्प्यात आहे तर एक पहिल्या किंवा दुसर्‍या टप्प्यात आहे.