SBI खाते धारकांनो 10 हजार रुपये दंड टाळायचा असेल, तर आजच हे करा

मुंबई : स्टेट बँक ऑफ इंडियाने देशातील कोट्यावधी बँक ग्राहकांसाठी विशेष अलर्ट जारी केला आहे. तुमच्याकडेही या बँकेचं खाते असल्यास आणि तुम्हाला एखादा मोठा व्यवहार करायचा असल्यास, तुम्हाला हे माहित असणे गरजेचे आहे. स्टेट बँक ऑफ इंडियाने पॅन आणि आधार जोडणे बंधनकारक असल्याचे सांगितले आहे. त्यामुळे अशा परिस्थितीत जर कोणी आपला पॅन आणि आधार खात्याला जोडला नसेल, तर त्यांनी ते लवकरात लवकर पूर्ण केले पाहिजे. यासाठी अंतिम तारीख 30 सप्टेंबर 2021 निश्चित करण्यात आली आहे.

जर एखाद्या व्यक्तीने 30 सप्टेंबर 2021 पूर्वी आपला पॅन आणि आधार खात्याला जोडला नसेल, तर त्याचा पॅन निष्क्रिय होऊ शकेल. यानंतर त्यांना अनेक प्रकारचे आर्थिक व्यवहार देखील करता येणार नाहीत. अशा परिस्थितीत प्रत्येकाने पॅन आणि आधार खात्याला जोडणे बंधनकारक आहे. तुम्ही हे दोन्ही डॉक्यूमेंट लिंक करण्यासाठी आयकर वेबसाइटवर भेट देऊन सहज पूर्ण करु शकता.

स्टेट बँक ऑफ इंडियाने आपल्या अधिकृत ट्विटर हँडलवर केलेल्या ट्विटमध्ये लिहिले आहे की, 'आम्ही ग्राहकांना पॅन आणि आधार लिंक करण्यासाठी सल्ला देतो जेणेकरुन त्यांना बँकिंग सेवा मिळण्यात कोणतीही गैरसोय होऊ नये.'

We advise our customers to link their PAN with Aadhaar to avoid any inconvenience and continue enjoying a seamless banking service.#ImportantNotice #AadhaarLinking #Pancard #AadhaarCard pic.twitter.com/p4FQJaqOf7

— State Bank of India (@TheOfficialSBI) July 16, 2021

जर तुमचा पॅन कार्ड निष्क्रिय झाल्यास तुम्हाला दंड भरावा लागू शकतो. पॅनकार्ड सक्रिय करण्यासाठी तुम्हाल 10 हजार रुपयांपर्यंत फी भरावी लागू शकते. अशा परिस्थितीत तुम्हाला आयकर कायद्याच्या कलम 272 B अंतर्गत 10 हजार रुपये दंड होऊ शकतो.

आधार पॅनशी जोडण्याची अंतिम मुदत सरकारने अनेक वेळा वाढविली आहे. पूर्वी ही मूदत 30 जून 2021 पर्यंत केली गेली होती. परंतु कोरोनाच्या दुसर्‍या लाटे दरम्यान दिलासा देण्यासाठी, शेवटची तारीख पुन्हा 30 सप्टेंबर 2021 पर्यंत वाढविण्यात आली.

पॅन आणि आधार जोडण्याची प्रक्रिया काय आहे?

आयकर रिटर्न ई-फाइलिंगच्या नवीन वेबसाइट https://www.incometax.gov.in/ वर लॉग इन करा. येथे तुम्हाला एकाच ठिकाणी 'लिंक आधार' हा पर्याय मिळेल. आपल्याला या दुव्यावर क्लिक करावे लागेल.

त्यानंतर पॅन, आधार क्रमांक प्रविष्ट करा. यानंतर आधार-पॅन लिंकची स्थिती तपासा.

जर तुमचे पॅन कार्ड आधार कार्डाशी लिंक असेल तर तुम्हाला 'Your PAN is linked to Aadhaar Number’  हा संदेश दिसेल. जर आपण अद्याप आधार कार्ड आणि पॅन कार्ड लिंक केलेला नसेल तर, तुम्हाला आपला तपशील भरावा लागेल आणि तुमचे पॅन कार्ड आधार कार्डाशी लिंक केले जाईल.