पती इरेला पेटला ना बायकोला ना गर्लफ्रेंडला दूर करणार, तीन-तीन दिवस दोघींसोबत राहणार, एक दिवस स्वत:ला, आठवड्यातून एकदा बाहेर जेवण

प्रतिकात्मक फोटो

लखनऊ : एक अजब बातमी समोर आली आहे. आग्रा येथील कौटुंबिक समुपदेशन केंद्रातून एक विचित्र धक्कादायक प्रकरण समोर आले आहे. घरवाली आणि बाहेरवालीबाबत ही बातमी आहे. पती इरेला पेटला आहे. त्याला बायकोही हवी आहे आणि गर्लफ्रेंडलाही दूर करायचे नाही. त्याने दोघांसमोर एक प्रस्ताव ठेवला आहे. आठवड्यातील तीन दिवस बायकोला आणि तीन दिवस गर्लफ्रेंडला देण्यार असल्याचे म्हटले आहे. एक दिवस स्वत:साठी असणार आहे. तर आठवड्यातून एकवेळा दोघांना बाहेर जेवायला घेऊन जाणार असे म्हटले आहे.

आग्रा येथील कौटुंबिक समुपदेशन केंद्रात रविवारी पतीच्या धाडसीपणाचे एक विचित्र प्रकरण समोर आले. पतीने सांगितले की, तो आपल्या पत्नीला किंवा मैत्रिणीला सोडणार नाही. समुपदेशकाने समजावून सांगण्याचा प्रयत्न केला, पण त्याला तो मान्य झाला नाही. खूप चर्चा केल्यानंतर त्याने आठवड्याचे दिवस वाटून घेतले. म्हणाला, तीन दिवस बायकोसोबत आणि तीन दिवस मैत्रिणीसोबत घालवणार आहे.

पती म्हणाला की एक दिवस मी स्वतंत्र असणार आहे. त्या दिवशी मी स्वतःच्या इच्छेचा स्वामी असेन. पत्नी, मैत्रीण आणि आई कुणासोबतही वेळ घालवू शकतो. प्रेयसीने ऑफर स्वीकारली, तर पत्नीने सात दिवस विचार करायला वेळ मागितला आहे. हे प्रकरण रकाबगंज पोलीस ठाण्याच्या हद्दीतील आहे. त्याचे लग्न 10 वर्षांपूर्वी झाले आहे. दोघांनाही तीन मुले आहेत. नवरा खासगी नोकरी करतो.

गर्लफ्रेंडलाही आहे एक मूल 

अडीच वर्षे लिव्ह इन रिलेशनशिपमध्ये राहिल्यानंतर तिला स्विकारण्यास नकार दिल्याचा आरोप प्रेयसीने केला आहे. तिला त्याच्यापासून एक मूलही आहे. पतीने सांगितले की, भांडण करुन पत्नी माहेरी गेली होती, त्यानंतर तो मैत्रिणीच्या संपर्कात आला. सर्व काही ठीक चालले होते. काही दिवसांपूर्वी पत्नीने प्रेयसीसोबतचे नाते संपवण्याचा आग्रह धरल्याने वाद सुरु झाला. आणि हे प्रकरण कौटुंबिक समुपदेशन केंद्रात पोहोचले. याप्रकरणी पुढील तारीख देण्यात आली आहे. 

रामबाग येथे राहणाऱ्या तरुणीचा विवाह जगदीशपुरा पोलीस ठाणे हद्दीतील तरुणाशी झाला होता. पत्नीने सांगितले की, पती फक्त त्याच्या कुटुंबातील सदस्यांचे पालन करतो. खर्चासाठी पैसेही देत ​​नाहीत आणि कधीही बाहेर जेवणही देत नाहीत. पोलिसांत तक्रार केल्यानंतर हे प्रकरण कौटुंबिक समुपदेशन केंद्रापर्यंत पोहोचले. तीनवेळा चर्चा केल्यानंतर, पतीने सांगितले की, तो पत्नीचे ऐकेल आणि तिला आठवड्यातून एकदा तिला जेवणासाठी बाहेर घेऊन जाईल, त्यावर तोडगा निघाला आणि दोघेही एकत्र राहण्यास तयार झाले.