चाऊमीन मोठ्या आवडीने खाताय? फॅक्ट्रीत कसे बनवले जातात न्यूडल्स एकदा पाहाच

How To Make Noodles In Factory: मिटक्या मारत न्यूडल्स खाताय तर या आधी हा व्हिडिओ पाहाच. 

मानसी क्षीरसागर | Updated: Oct 17, 2023, 02:55 PM IST
चाऊमीन मोठ्या आवडीने खाताय? फॅक्ट्रीत कसे बनवले जातात न्यूडल्स एकदा पाहाच
This Is How Noodles Are Made In Factory video goes viral

How To Make Noodles In Factory: स्ट्रीट फुड हा प्रकार सध्या चर्चेत आला आहे. स्वस्त्यात मस्त ही स्ट्रीट फुडची खासियत आहे. मुंबई व दिल्लीच्या खाऊ गल्लीत मिळणारे पदार्थ हे लोकप्रिय झाले आहेत. तसंच, इन्स्टाग्रामवरील फुड ब्लॉगरच्या व्हिडिओमुळंही अनेक स्ट्रीट फुड चर्चेत आले आहेत. त्यातील सर्वात आवडीने व चवीने खाल्ले जाणारे फुड म्हणजे चाऊमीन. गाजर, कोबी, सिमला मिरचीसारख्या भाज्या वापरुन बनवले जाणारे न्यूडल्स चविष्ट तर लागतातच. पण तुम्हाला माहितीये का? चाऊमीनसाठी वापरले जाणारे न्यूडल्स कसे बनवले जातात. 

Add Zee News as a Preferred Source

न्यूडल्स फक्त उकडवून त्यापासून चाऊमीन करण्यात येतात असंच तुम्हाला वाटत असेल तर तुम्ही चुकीचे आहेत. न्यूडल्स बनवण्याची प्रक्रिया ही फार मोठी आहे. सोशल मीडियावर सध्या एक व्हिडिओ व्हायरल होतोय. यात न्यूडल्स बनवण्याची प्रक्रिया पूर्णपणे दाखवण्यात आली आहे. इन्स्टाग्रामवर असाच एक व्हिडिओ व्हायरल होत असून तो कोलकत्ता येथील आहे. फॅक्ट्रीत कशाप्रकार न्यूडल्स बनवले जातात हे पाहून अनेकजण हैराण झाले आहेत. कारण या व्हिडिओतून अनेक खुलासे झाले आहेत. 

व्हिडिओत तुम्ही पाहू शकता की, न्यूडल्सच्या फॅक्ट्रीत मोठ्या प्रमाणात अस्वच्छता दिसून येत आहे. न्यूडल्सवर प्रक्रिया करत असताना कर्मचारी कोणत्याही प्रकारची काळजी घेताना दिसत नाहीयेत. कामगारांच्या हातात मोजेवगैरेही दिसत नाहीयेत. खाद्य सुरक्षेच्या नियमांना पूर्णपणे दुर्लक्ष केलेले दिसत आहे. 

न्यूडल्स बनवण्यात येणारा हा व्हिडिओ सोशल मीडियावर व्हायरल होत आहे. आत्तापर्यंत 3.2 मिलियनहून अधिक लोकांनी हा व्हिडिओ पाहिला आहे. हजारो फुड लव्हर्सनी फॅक्ट्रीत असलेल्या अस्वच्छतेबाबत प्रतिक्रिया दिली आहे. तसंच, याबाबत चिंतादेखील व्यक्त केली आहे. अनेकांनी न्यूडल्स बनवण्याच्या या प्रक्रियेवर प्रश्न उपस्थित केले आहे. तर, दुसऱ्या एका व्यक्तीने या प्रोडक्टला फुट फंगस-फ्लेवर्ड चाउमीन असं म्हटलं आहे. 

About the Author

Mansi kshirsagar

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 9 वर्षांचा अनुभव आहे. महाराष्ट्रा टाइम डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि अर्थ (infrastructure) या विषयात विशेष रुची आहे. त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड. इन्फ्रास्ट्रक्चर आणि गुन्हे या बातम्यांमध्ये हातखंडा.

...Read More