Maharashtra Pune Bandh LIVE Updates : शिवप्रेमी संघटनांकडून आज पुणे बंदची (Pune Bandh) हाक देण्यात आली आहे. त्यामुळे शहरातील बहुतांश व्यवहार आज बंद असण्याची शक्यता आहे. महाराष्ट्राचे राज्यपाल भगतसिंह कोश्यारी ( Governor Bhagat Singh Koshyari) यांच्यासह विविध राजकीय नेत्यांकडून होत असलेल्या महापुरुषांच्या अवमानाचा निषेध करण्यासाठी हा बंद पुकारण्यात आला आहे. (Maharashtra Political News) दरम्यान, मोर्चामुळे वाहतुकीत काही बदल करण्यात आलाय. तसेच सुरक्षेसाठी 7500 पोलीस तैनात करण्यात आले आहेत.
13 Dec 2022, 15:15 वाजता
Pune Bandh LIVE Updates : छत्रपती शिवाजी महाराज हे आजही आदर्श पुरुष. साडेतीनशे वर्षांपासून या आदरामधे वाढ. आज त्यांना आदर्श म्हणा, अस सांगायची अशी वेळ आलीय हे दुर्दैव. राज्यपाल भगतसिंह कोश्यारी आणि भाजपचे प्रवक्ते सुधांशु त्रिवेदी यांच्यावर नुपूर शर्मावर जशी डिसीप्लीनरी अ‍ॅक्शन झाली तशीअ‍ॅक्शन व्हायला हवी, अशी मागणी भाजप खासदार उदयनराजे यांनी यावेळी केली.
- महापुरुषांचे अवमान होत असताना देवेंद्र फडणवीस एक शब्द ही बोलत नाहीत. त्यांच्या मनात छत्रपती शिवाजी महाराज, डॉ आंबेडकर यांच्या विषयी द्वेष आहे, अशी टीका मोर्चावेळी सुषमा अंधारे यांनी केली.
13 Dec 2022, 15:10 वाजता
Pune Bandh LIVE Updates :हा मोर्चा अपयशी होण्यासाठी अनेक प्रयत्न करण्यात आले. कोणी म्हणाले खासदार उदयनराजेंना अटक करणार आहे. उदयनराजेंना हात लावून दाखवा. कोश्यारी यांची हकालपट्टी ही आमची मागणी आहे. ती झाल्याशिवाय हे आंदोलन थांबणार नाही, असे नगरसेवक दीपक मानकर यांनी इशारा दिला आहे.
13 Dec 2022, 15:08 वाजता
आजच्या पुणे बंदला लोकांची साथ आहे. उत्स्फूर्त प्रतिसाद मिळालेला आहे, असे माजी मंत्री आदित्य ठाकरे म्हणाले. त्याचवेळी त्यांनी सरकारवर टीका केली. कर्नाटकचे मुख्यमंत्री आक्रमक आहेत पण आपलं सरकार काहीच करत नाही. छत्रपती शिवाजी महाराज यांचा अवमान करणाऱ्यांनी आता पर्यंत राजीनामा द्यायला हवा होता. प्रत्येकवेळी ते अपमान करत आले आहेत, असे खोचक टोला राज्यपाल यांना आदित्य यांनी लगावला.
13 Dec 2022, 13:23 वाजता
Pune Bandh LIVE Updates : महापुरुषांबाबत अवमानकारक वक्तव्यांविरोधात पुण्यात भव्य मोर्चा काढण्यात आला. या मूक मोर्चात खासदार उदयनराजे भोसलेही सहभागी झालेत. आज पुण्यात कडकडीत बंद दिसून आला आहे. मूक मोर्चा आता लाल महल येथे दाखल.
13 Dec 2022, 12:34 वाजता
मूक मोर्चाला चांगला प्रतिसाद
Pune Bandh LIVE Updates : पुणे बंद मोर्चामध्ये अनेक राजकीय पक्षांचे पदाधिकारी, नेते आणि नागरिक सहभागी झाले आहेत. मूक मोर्चाला चांगला प्रतिसाद मिळत आहे.
आज पुणे बंदची हाक देण्यात आली आहे राज्यपाल भगतसिंह कोश्यारी यांच्यासह विविध राजकीय नेत्यांकडून होत असलेल्या महापुरुषांच्या अवमानाचा निषेध करण्यासाठी हा बंद पुकारण्यात आला आहे. #PuneBandh #Maharashtra #BhagatSinghKoshyari #MaharashtraBandh #Bandh #PuneBandhUpdates pic.twitter.com/idu0g2JwT7
— ZEE २४ तास (@zee24taasnews) December 13, 2022
13 Dec 2022, 11:40 वाजता
'राज्यपाल यांची सेवा समाप्ती करण्यात यावी'
Pune Bandh LIVE Updates : पुणे बंद मोर्चामध्ये ठाकरे गटाच्या उपनेत्या सुषमा अंधारे सहभागी झाल्यात. यावेळी त्यांनी मुख्यमंत्री शिंदे, उपमुख्यमंत्री फडणवीस यांच्यावर जोरदार टीका केली. राज्यपाल यांची सेवा समाप्ती करण्यात यावी, असे त्या म्हणाल्या.
13 Dec 2022, 11:06 वाजता
Pune Bandh LIVE Updates : पुण्यातील सर्व पक्षीय बंदला मोठा प्रतिसाद मिळाला आहे. मूक मोर्चात मुस्लिम बांधव हातामध्ये छत्रपती शिवाजी महाराज, महात्मा ज्योतिराव फुले, डॉ. बाबासाहेब आंबेडकर यांचे पोस्टर घेऊन सहभागी झालेत. तर लहान मुलं सर्वांचं आकर्षण ठरत आहेत. लहान मुलांना छत्रपती शिवाजी महाराजांच्या वेशभूषेमध्ये मोर्चात सहभागी झाले आहेत.
Pune Bandh LIVE Updates : पुण्यातील मूक मोर्चात मुस्लिम बांधव हातामध्ये छत्रपती शिवाजी महाराज, महात्मा ज्योतिराव फुले, डॉ. बाबासाहेब आंबेडकर यांचे पोस्टर घेऊन सहभागी झालेत. #PuneBandh #Maharashtra #BhagatSinghKoshyari #MaharashtraBandh #Bandh #PuneBandhUpdates pic.twitter.com/OH0RqLCaoF
— ZEE २४ तास (@zee24taasnews) December 13, 2022
13 Dec 2022, 10:48 वाजता
खासदार उदयनराजे भोसले मोर्चात सहभागी
Pune Bandh LIVE Updates : पुण्यातील सर्व पक्षीय बंदला मोठा प्रतिसाद मिळाला आहे. मूक मोर्चाला सुरुवात झालेय. या मोर्चात भाजपचे खासदार उदयनराजे भोसले सहभागी झालेत । उदयनराजे यांनी राज्यपाल कोश्यारी यांच्यावर कारवाईची मागणी केली होती. त्यांनी राष्ट्रपती आणि पंतप्रधान मोदी यांना पत्रही पाठवले होते.
13 Dec 2022, 10:17 वाजता
'भाजप वगळता सर्व पक्षांचा बंदला पाठिंबा'
Pune Bandh LIVE Updates : पुणे बंदला मोठा प्रतिसाद मिळाला आहे. भाजप वगळता सर्व पक्षांनी बंदला पाठिंबा दिला आहे, अशी माहिती राष्ट्रवादीचे पुणे अध्यक्ष प्रशांत जगताप यांनी दिली. राज्यपाल कोश्यारी यांनी छत्रपती शिवाजी महाराजांबद्दल केलेल्या वक्तव्याविरोधात मराठा समाज आणि विरोधी पक्षांनी आज पुण्यात बंद पुकारला आहे. राज्यापालांचे असे वक्तव्य हा महाराष्ट्राचा अपमान आहे, असे ते म्हणाले.
Maharashtra | Several Maratha groups & Oppn parties call a shutdown in Pune today against Governor BS Koshyari's remark on Chhatrapati Shivaji Maharaj
NCP's Pune president Prashant Jagtap says, "It's an insult to Maharashtra. All parties, except BJP, have supported the shutdown" pic.twitter.com/oLuddhWwlI
— ANI (@ANI) December 13, 2022
13 Dec 2022, 10:00 वाजता
राज्यभर आंदोलनाचं लोण पसरेल, राऊत यांचा इशारा
Pune Bandh LIVE Updates : पुणे आंदोलनाची दखल केंद्राने घ्यावी, असे प्रतिपादन ठाकरे गटाचे नेते खासदार संजय राऊत यांनी केले आहे. राज्यभर आंदोलनाचं लोण पसरेल, असा इशारा राऊत यांनी यावेळी दिला आहे. दरम्यान, राज्यपालांच्या पत्राचा उपयोग नाही, असे राऊत म्हणाले. पुणेकरांच्या आंदोलनाची दखल घ्या, असे राऊत म्हणाले.
